1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Prishtina zyrtare kërkon relaksim të marrëdhënive me Serbinë

Presidenti Fatmir Sejdiu thotë se Kosova dhe Serbia mund të bisedojnë për liberalizimin e kufijve, për parandalimin e krimit të organizuar dhe për bashkëpunim ekonomik, por jo për statusin e Kosovës.

Prishtina është e gatshme të bisedojë me Serbinë shumë çështje por jo për statusin

Prishtina është e gatshme të bisedojë me Serbinë shumë çështje por jo për statusin

Autoritetet më të larta në Kosovë, thonë se raportet e mira të Kosovës me vendet fqinjë të saj në këtë rast edhe me Serbinë i kontribuojnë paqes rajonale, zhvillimit ekonomik dhe integrimit të rajonit në strukturat evropiane. Prishtina është e gatshme që të futet në biseda me Serbinë, të diskutoje shumë çështje që janë në interes për të dyja palët, mirëpo, sa i përket çështjes së statusit udhëheqësit kosovar thonë se me Serbinë kurrë më kjo çështje nuk do të bisedohet.

Çështja e statusit e panegociueshme

Presidenti Fatmir Sejdiu: "Kosova është e gatshme që të relaksojë marrëdhëniet me Serbinë dhe mund të bisedojmë për tema si kudo që bisedohet ndërmjet shteteve sovrane. Pse mos të bisedojmë për liberalizimin e kufijve, për parandalimit e krimit të organizuar, për bashkëpunim ekonomik, e pse jo edhe për çështjet e pakicave", thotë presidenti Sejdiu.

Prishtina zyrtare akoma nuk është e përfshirë drejpërdrejt në bisedat që po zhvillon me autoritetet e Beogradit administrata e Kombeve të Bashkuara. Andrew Ladly, i ngarkuar i UNMIK-ut për biseda me autoritetet e Serbisë, qëndroi në Beograd ku diskutoi me autoritetet e atjshme cështjen e doganave veriore të Kosovës me Serbinë dhe cështjen e kthimit të pjestarëve serb në policinë e Kosovës. Që nga shpallja e pavarësisë doganat veriore janë jashtë funksionit dhe shumë polic serb nuk pranojnë të punojnë me kolegët e tyre shqiptar. Ka muaj që për këto pika kërkohet zgjidhje, mirëpo rezultate nuk ka. Autoritetet në Prishtinë ato vendore dhe ndërkombëtare, thonë se mosfunksionimi i doganave veriore po dëmton edhe vet Serbinë, ndërsa, kthimi i policëve serbë në radhët e policisë së Kosovës është në interes të vet komunitetit serb që jeton në Kosovë. Sidoqoftë, njohja e pavarësisë së Kosovës nga dy vendet fqinjë të saj, Mali i Zi dhe Maqedonia, për Prishtinën zyrtare është një sinjal jashtzakonisht domëthënës në këtë linjë duhet të jetë edhe për Serbinë e cila sipas tyre duhet të radhitet dhe të bashkohet në synimet e përbashkëta të vendeve të rajonit për të përqafuar vlerat evropiane.

  • Data 23.10.2008
  • Autor Bekim Shehu/Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FfSH
  • Data 23.10.2008
  • Autor Bekim Shehu/Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FfSH