1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Prishtina zyrtare: EULEX-i pa kushte në Kosovë

Prishtina i kërkon bashkësisë ndërkombëtare të heqë dorë nga pikat e planit të OKB-së dhe që misioni evropian EULEX të vendoset pa kushte në Kosovë. Edhe kryetarët e komunave të Kosovës e kundërshtojnë planin e OKB-së.

default

Pamje nga Pristhina

Presidenti i Kosovës Fatmir Sejdiu dhe kryeministri Hashim Thaçi, thonë se Prishtina nuk është nën presion nga komuniteti ndërkombëtar për ta pranuar planin gjashtë pikësh të OKB-së, i cili do të mundësonte shtrirjen e misionit EULEX në Kosovë. Sipas tyre, bisedimet, që po zhvillohen rreth planit të OKB-së, janë pjesë e komunikimit me faktorin ndërkombëtar. Megjithatë, çdo ditë udhëheqësit politikë kosovar po zhvillojnë bisedime me ambasadorët e vendeve më të industrializuara në Prishtinë, në përpjekje për të arritur një kompromis mbi pikat e planit. Rezultate nga bisedimet ende nuk ka. Prishtina zyrtare qëndron pranë kërkesave të saj, duke kërkuar nga komuniteti ndërkombëtar: të garantohet tërësia teriatoriale e Kosovës dhe të respektohet Kushtetuta e vendit. Fatmir Sejdiu, presidenti i Kosovës. "Eshtë një dokument shumë i rëndësishëm ai i shkurtit të vitit 2008 i dalë nga BE-ja për vendosjen e misionit EULEX në Kosovë. Dëshira jonë është që EULEX-i të vendoset në Kosovë  në të gjitha rajonet, prandaj ne nuk jemi ata që po bllokojmë  procesin e vendosjes së misionit", thotë presidenti Sejdiu.

 Në të njejtën linjë shprehet edhe kryeminstri Hashim Thaçi, i cili thotë, se misioni EULEX duhet të vendoset në Kosovë pa kushte sepse vetëm në këtë mënyrë do të garantohej respektimi i rendit dhe i ligjit.                                  "Qëndrimi ynë është shumë i qartë: ndjekim politikë unike dhe shumë transparente duke respektuar të gjitha dokumentat shtetërore, që kanë rezultuar me njohjen e shtetit të Kosovës nga 52 vende të botës. Në këtë linjë ne u themi JO pikave të planit të zotit Ban Ki Mun, sepse ato nuk përkojnë me realitetin e pavarësisë në Kosovë", thotë kryeministri Thaçi.    


Prishtina nuk e ka ndërmend të lëvizë nga pozicioni i saj, duke theksuar se misioni i BE-së EULEX, nuk mund të ketë status neutral ashtu siç kërkon Beogradi, sepse kjo presupozon moszbatimin e paketës së Marti Ahtisarit.  Edhe  kryetarët e komunave të Kosovës, thonë se plani gjashtë pikësh i OKB-së, cënon sistemin unik doganor, gjyqësor dhe policor dhe në mënyrë direkte cënon integritetin teritorial të Republikës së Kosovës. Propozimi i zotit Ban Ki Mun, sipas kryetarëve të komunave të Kosovës e zhvleftëson misionin e EULEX-it dhe automatikisht e bën atë bashkëfajtor, siç thuhet për dështimet e UNMIK-ut në pjesën veriore të Kosovës.

  • Data 14.11.2008
  • Autor Bekim Shehu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fus3
  • Data 14.11.2008
  • Autor Bekim Shehu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fus3