1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Presidenti i SHBA-së Bush i jep fund vizitës në Kroaci

'Në rast se popujt tuaj do ti kërcënojë ndonjë rrezik, Amerika dhe aleanca e NATO-s do të jenë përkrah jush dhe askush nuk do të jetë në gjendje t'ua marrë lirinë.'

default

Stipe Mesiç dhe George Bush në Zagreb

Para nisjes së tij për në Soçi buzë Detit të Zi ku do të takohet me presidentin rus Vladimir Putin presidenti i SHB George W. Bush ka qëndruar sot në Kroaci. Ai ka vlerësuar reformat demokratike të këtij vendi dhe është shprehur në lidhje me të gjitha vendet e rajonit dhe raportet e tyre me NATO-n.


'Ftesa per anëtarësim në NATO që morrën këtë javë Kroacia dhe Shqipëria ka të bëjë me besimin se do të vazhdoni të bëni reformat e nevojshme dhe do të bëheni kontribues të fuqishëm të aleancës sonë të madhe - ndaj në rast se popujt tuaj do t'i kërcënonte ndonjë rrezik Amerika dhe aleanca e NATO-s do të jenë përkrah jush dhe askush nuk do te jete në gjendje t'ua marrë lirinë.'


Presidenti Bush shprehu keqardhjen për faktin që Maqedonia nuk e morri ftesën për anëtarësim në samitin e NATO-s të kësaj jave.


'Maqedonia ka kryer reforma të vështira në vend dhe po jep kontribut të rëndësishëm në misionet e NATO-s. Fatkeqësisht ftesa për Maqedoninë u vonua për arsye të mosmarrëveshjes mbi emrin e saj. Aleatët deklaruan në Bukuresht se me tu zgjidhur kjo çështje Maqedonisë do ti jepet ftesa për anetaresim. Qëndrimi i Amerikës është i qartë: Maqedonia duhet të zërë vendin e saj në NATO sa më shpejt të jetë e mundur.'


Bush përsëriti se aleanca e NATO-s është e hapur për të gjitha vendet e rajonit:


'Ne përshëndesim vendimet e Bosnje Hercegovinës dhe të Malit te Zi për të hedhur hapin tjetër drejt anëtarësimit, të quajtur 'Dialog Intensiv', dhe shpresojmë se së shpejti një Serbi e lirë dhe e përparuar do të gjejë vendin e ligjshëm në familjen evropiane dhe do të jetojë në paqe me fqinjët e saj.'

  • Data 05.04.2008
  • Autor Elert Ajazaj
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DcfU
  • Data 05.04.2008
  • Autor Elert Ajazaj
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DcfU