1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Potenciale të humbura - Prej shumë vitesh në Gjermani flitet për mungesën e specialistëve

Një studim i nga Instituti i Ekonomisë Gjermane (IdW) në Këln këshillon që Gjermania të adaptojë sistemin kanadez të migracionit.

default

Ekspertë të huaj në Gjermani

"Studimet tona dëshmojnë se vendet që marrin imigrantë të kualfikuar kanë një rritje më të shpejtë ekonomike", - thotë profesor Mihael Hyter (Michael Hüther), drejtor i Institutit të Ekonomisë Gjermane në Këln. Nga një studim i prezantuar të enjten, më 26 qershor 2008 , në Berlin del në pah se vende si Australia dhe Kanadaja, ku numri i migrantëve të kualifikuar në krahasim me popullsinë (1,4) është dyfish më i lartë se në Gjermani (0,7), kanë rritje dyfish më të lartë (32% të prodhimit për kokë) se Gjermania (16%).


Mbas shifrave qendrojnë edhe argumentet, thotë Profesor Hyter, për programin shqip të Deutsche Welles: "Ardhja e një specialisti rrit shanset për punësimin e të tjerëve në ekonomi, sepse për çdo vend të punës që zihet nga një i kualfikuar i lartë, hapen edhe 1-2 vende të reja pune me kualifikim më të ulët."


Pikërisht këtë përfitim të imigracionit nuk kanë patur guxim ta shprehin politikanët deri tani, ankohet Hartfrid Volf (Hartfrid Wolff), deputet federal i partisë liberale (FDP) në Berlin. Partia e tij ka paraqitur në Bundestag një projektligj për rregullimin e migracionit sipas modelit kandez: "Që do të thotë futjen e një sistemi pikësh, ku përfshihen kualifikimi profesional, gjuha gjermane, mosha, përvoja, gatishmëria e integrimit, të gjithave u jepet nga një koeficient, dhe mblidhen në një shumë të caktuara pikësh, mbi bazën e të cilave njerëzit mund të vijnë në Gjermani."


Sistemi i pikëve ishte në vitin 2002 pjesë e ligjit të migracionit, por ky i fundit dështoi në Këshillin Federal. Në variantin e modifikuar ofrohet parimisht mundësia e pranimit të specialistëve të huaj nga vendet jashtë komunitare ose antarët e rinj të BE-së, por ata duhet të gjejnë në Gjermani një vend pune me të ardhura vjetore prej të paktën 80.000 euro. Një shumë e papërballueshme kjo veçanërisht për ndërmarrjet e mesme dhe të vogla, thuhet në studimin me titull: "Braingain-Braindrain - potencialet e rritjes ekonomike përmes migrimit."


Liberali Volf kërkon nga qeveria e Merkelit që ta ndryshojë ligjin, pasi prej tij përfiton në radhë të parë ekonomia gjermane: "Unionistët janë të parët që duhet të reflektojnë menjëherë, sepse unë mendoj që ata kanë pengesa ideologjike", konkludon ai.

  • Data 26.06.2008
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ERKh
  • Data 26.06.2008
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ERKh