1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Polemikë për buxhetin në koalicionin qeverisës gjerman

Polemika në qeverinë gjermane mbi buxhetin e vitit 2009 është shkallëzuar. Ministri gjerman i financave Peer Steinbrück i konsideron të tepruara plan-shpenzimet e disa ministrive.

Arka

Arka

Ministria e financave ka kërcënuar madje se në rast nevoje do t'a hartojë buxhetin për vitin e ardhshëm pa përfshirjen e ministrive të ekonomisë, arsimit, zhvillimit dhe transporteve.


Lidhur me këtë temë shkëpusim nga komenti në "Frankfurter Rundschau": Ministri i financave Peer Steinbrück ia shprehu inatin katër kolegëve të kabinetit, dy të kuqve dhe dy të zinjve. Një lëvizje taktike mjeshtërore? I inatosuri rrezikon që të hidhet si tigër dhe të përfundojë si lëkurë. Kancelarja nuk mund të lejojë që ai t'u marrë ministrave të tjerë autoritetin e hartimit të buxheteve respektive. Shpërthimi i Steinbrück-ut i jep Merkelit mundësinë të ushtrojë kompentecën e saj të dhënies së direktivave. Kjo do të thotë që ajo duhet të nxisë arritjen e kompromist. Të kursehet diçka më pak dhe të investohet diçka më pak. Më i rëndësishëm do të ishte ndërgjegjësimi se deformimi i reformës së ndihmës për të papunët dhe asaj të pensioneve për shkak të zgjedhjeve të ardhshme parlamentare, kontribuoi në rrënimin e disiplinës financiare. Në këtë drejtim zemërimi i ministrit të financave është legjitim", mendon komentatori i "Frankfurter Rundschau".


Mbi të njëjtën temë citojmë nga "Thüringer Allgemeine": "Të ardhurat e bollshme fiskale gjatë dy viteve të fundit kanë çuan në mendjelehtësi. Në vetvete çdo shpenzim shtesë është i justifikuar. Gjatë drejtimit të takimit të G-8-s Angela Merkel u angazhua për më shumë ndihmë për zhvillim. Kjo vazhdoi me investimin e 3 për qind të arritjeve ekonomike në kërkim dhe zhvillim shkencor. Por spiralja e premtimeve filloi të rrotullohej gjithnjë e më shpejt për pensione më të larta, kohë më të gjatë ndihme për të papunët, më shumë ndihmë financiare për banesat, për studentët dhe mbështetjen e familjeve. Për të gjitha këto kancelarja ka dhënë fjalën dhe gjen natyrisht mbështetjen e ministrave përkatës. Për këtë arsye ministri i financave Steinbrück pret pak përkrahje në kabinet dhe jep alarmin më kot pasi askush nuk ia vë veshin," përfundon "Thüringer Allgemeine" me të cilën mbyllim edhe pasqyrën e shtypit.


  • Data 11.04.2008
  • Autor Eliana Xhani
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DfjE
  • Data 11.04.2008
  • Autor Eliana Xhani
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DfjE