1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Pasoja të rënda nga tërmeti në Zelandën e Re

Të paktën 75 vetë të vdekur pas tërmetit në qytetin Christchurch. Qeveria shpall gjendjen e jashtëzakonshme në nivel kombëtar.

default

Pamje pas tërmetit në qytetin Christchurch

Qyteti Christchurch në Zelandën e Re brenda pesë muajsh është goditur për herë të dytë nga një tërmet i fuqishëm. Kanalet televizive lokale treguan pamje të shtëpive dhe rrugëve të shkatërruara si dhe njerëz të kapluar nga paniku. Tërmeti i fuqisë 6,3 ballë Richter ka ndodhur në orët e mesditës kur zyrat dhe dyqanet si dhe restaurantet dhe kafeteritë ishin të mbushura përplot me njerëz. Shumë shtëpi janë rrëzuar në mesin e tyre edhe një katedrale në qendër të qytetit. Në disa vende ka shpërthyer zjarri.

Karte Neuseeland Erdbeben englisch 02/2011

Sipas të dhënave të kryeministrit John Key si pasojë kanë humbur jetën të paktën 75 vetë. Kjo mund të jetë ora më e errët e Zelandës së Re, sqaroi Key. Pas një mbledhjeje të jashtëzakonshme të kabintetit qeveritar ai ka udhëtuar për në rajonin e goditur nga tërmeti. Pritet që numri i viktimave të rritet edhe më shumë. Mëse 300 vetë kondsiderohen të humbur, shumë prej të cilëve mund të kenë mbetur ende nën gërmadhat e godinave të shembura. Christchurch, i cili shtrihet në pjesën jugore të ishullit të Zelandës së Re që nga tërmeti i shtatorit të vitit 2010 me një forcë prej 7,1 ballësh është goditur nga qindra tërmete të tjera me intensitet më të ulët.

Autor: Esat Ahmeti (dpa, ap, reuter)

Redaktoi: Vilma Filaj-Ballvora

  • Data 23.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/R35Y
  • Data 23.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/R35Y