1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Pasardhësi i Berluskonit - Mario Monti merr mandatin qeverisës

Pas dorëheqjes së Berluskoni, eksperti i njohur i ekonomisë Mario Monti, duhet të zgjidhë krizën e borxheve të Italisë, si kryeministër i ri i Italisë. Monti theksoi se do të fillojë menjëherë nga puna.

Mario Monti

Mario Monti

Mario Monti është si të thuash e kundërta e kryeministrit në largim, Silvio Berluskoni. I paparti, i matur, me sjellje të mirë, paraqitje sovrane dhe njohuri të shumta në ekonomi. Për shprehjet skandaloze të Berluskonit, "bunga bunga", ai tha: "Gjëra të tilla kanë patur pasoja të këqija në ekonomi, jo sepse kanë prishur imazhin e vendit tonë, por sepse këto çështje kanë marrë kohën e kokave të qeverisë, politikanëve dhe ne italianëve me të gjitha Talkshows, ndërkohë që vendet e tjera janë marrë me gjëra më të rëndësishme si për shembull: Si do të jetë vendi ynë pas 10 apo 20 vjetësh? A do të vazhdojnë të gjejnë të rinjtë tanë punë."

68 vjeçari Monti e ka kritikuar hapur mungesën e politikës për zhvillim të qeverisë së Berslukonit, e cila është përgjegjëse për krizën aktuale dhe për moskryerjen e reformave bazë: "Ne nuk kemi para, sepse nuk kemi patur politikë për zhvillimin ekonomik, sepse të ardhurat e shtetit ushqehen edhe me rritjen ekonomike, duke shtuar në këtë mënyrë të ardhurat nga taksat. Mosndjekja e programeve për zhvillimin ekonomik ka qenë një gabim i madh strategjik. Kjo ndihet tani në buxhetin e shtetit duke penguar edhe uljen e taksave."

Senati aprovon masat kursyese

Senati aprovon masat kursyese

Po ashtu si adashi i tij, Mario Draghi edhe Mario Monti është shkolluar tek jezuitët, ka studiuar në Milano dhe Jalë, dhe u zgjodh rektor i univesitetit Bocconi në Itali. Në vitin 1994, Berluskoni e zgjodhi për ta çuar në Komisionin e BE-së, ku ka qenë fillimisht komisar për çështjet e brendshme dhe më vonë për çështjet e konkurencës. Këtu ai tregoi se si specialist i zgjuar ekonomie, mund t'i vërë në jetë objektivat e tij.

Për shembull ai u morr me heqjen e dyqaneve Duty-Free në aeroporte, kur bëhen udhëtime brenda Evropës, hyri në konflikt me ish kancelarin gjerman Shrëder kundër koncerneve të automobilëve, mes tyre Folksvagen, që kishin bllokuar shitjen e automobilëve të rinj në vendet jashtë BE-së. Bankat gjermane ai i detyroi të kthenin në kohë subvencionet shtetërore të marra pa të drejtë. Edhe vetë Microsoftit, i duhej të paguante gjobë 650 milionë dollarëshe duke u ndarë nga programe të rëndësishme operative të windows. Në një intervistë Monti tregon duke qeshur se si i ka treguar qartë shefit të Gazpromit, rregullat evropiane të lojës: "Ne i shpjeguam se në kulturën tonë është e vetëkuptueshme, që një firmë e madhe ruse, private ose shtetërore, duhet të respektojë rregulla të caktuara nëse do të eksportojë gaz në Evropë. Rregullat e marrëveshjeve, që i ndalojnë konkurentëve marrëveshjet kufizuese. Ai pati një shok kulturor, kurse ne një përvojë interesante, sepse në fund pati rezultate konkrete."

Mario Monti me të shoqen

Mario Monti me të shoqen

Mario Monti is welcomed by other senators at the beginning of a voting session on economic reform measures demanded by the European Union, that should pave the way for Premier Silvio Berlusconi to leave office in a matter of days, at the Senate in Rome, Friday, Nov. 11, 2011. The prospect of a transitional government headed by respected non-partisan economist Mario Monti calmed markets for a second day, with Italy's 10-year borrowing rate down a further 0.21 percentage point to 6.59 percent. Shares were buoyant too, with the Milan stock index was up 1.7 percent in early trading at 15,477. (Foto:Pier Paolo Cito/AP/dapd)

Italien Entscheidung im italienischen Senat für das Sparpaket

Në vitin 2004, Monti nuk pranoi ofertën e Silvio Berluskonit, për tu bërë ministër ekonomie dhe financash. Për gjendjen aktuale të Italisë ai thotë: "Unë mendoj se edhe për Italinë ekziston mundësia, të tregojë përgjegjësi dhe të mos rrisë, siç ka bërë ditët e fundit, edhe më shumë mosbesimin e Evropës, dhe paragjykimet se Italia nuk është serioze."

Për të dhënë një sinjal stabiliteti politik, presidenti Napolitano e emëroi papritur Mario Montin, senator të përjetshëm. Në një estradë të RAI-t, aktorët bënin shaka duke thënë se presidenti ka gabuar. Për të ndihmuar Italinë, ai duhet ta emëronte Montin kryeministër të përjetshëm.

Autor: Stefan Troendle/ Aida Cama

Redaktoi: Esat Ahmet

DW.COM