1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Pasaportat e Republikës së Kosovës - të papranueshme për serbët

Disa përfaqësues të serbëve thonë se dokumentet e vetme të vlefshme për ta do të jenë dokumentet e lëshuara nga Republika e Serbisë, sepse Kosovën ata akoma e cilësojnë si pjesë të Serbisë.

default

Disa përfaqësues të serbëve të Kosovës, thonë se pasaportat e Republikës së Kosovës, nuk do të pranohen në serbët dhe ata nuk do të pajisen me to. Kjo për faktin që sipas tyre, serbët nuk e njohin pavarësinë e Kosovës dhe dokumentet e vetme të vlefshme për serbët do të jenë dokumentet e lëshuara nga Serbia. Pasarortat e reja të Republikës së Kosovës do të lëshohen për qarkullim nga fillimi i javës së ardhshme. Udhëheqësi i "Listës Serbe për Kosovën", Oliver Ivanoviç, thotë se serbët akoma respektojnë rezolutën 1244 të KS-it dhe kjo rezolutë sipas tij, Kosovën e përcakton si pjesë të Serbisë.

"Ky dokument është në kundërshtim me rezolutën 1244 të KS-it, e cila Kosovën e përcakton si territor të Republikës së Serbisë. Edhe dokumenti i mëparshëm i udhëtimit i lëshuar nga UNMIK-u ka qenë në kundërshtim me këtë rezolutë, si edhe targat e automjeteve. Sidoqoftë pasaportat e reja të Kosovës, të cilat do të vihen në qarkullim, nuk do të jenë të pranueshme për serbët, sikurse nuk është e pranueshme as pavarësia e Kosovës", thotë Oliver Ivanoviç.

Që nga përfundimi i luftës, qytetarët e Kosovës janë pajisur me dokumente të udhëtimit të lëshuara nga administrata e Kombeve të Bashkuara. Mirëpo serbët e Kosovës asnjëherë nuk janë pajisur me këto dokumente. Shumica e serbëve të Kosovës, edhe pas shpalljes së pavarësisë së Kosovës akoma vazhdojnë ta identifikojnë veten si qytetarë të Republikës së Serbisë, pavarësisht faktit që pavarësia e Kosovës është njohur dhe pranuar nga 43 shtete të botës.

  • Data 15.07.2008
  • Autor Bekim Shehu/Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Eco1
  • Data 15.07.2008
  • Autor Bekim Shehu/Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Eco1