1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Pas takimit me Mugaben BE-ja vendos vazhdimin e sanksioneve ndaj Zimbabves

Për herë të parë prej shtatë vjetësh një delegacion i lartë i BE-së vizitoi Zimbabvenë. Marrëdhëniet me këtë vend kanë arritur një fazë të re, por bashkëpunimi varet nga respektimi i marrëveshjes për ndarjen e pushtetit.

Nga takimi i BE-së për Afrikën në Lizbonë.

Sanksionet e BE-së kundër Zimbabvesë do të hiqen vetëm atëherë kur të mos ketë më shkelje të të drejtave të njeriut.

Fermerin Ben Freeth nuk ka nevojë ta pyesësh gjatë për mendimin e tij mbi qeverinë e re. Gjykata ka vërtetuar tre herë se pushtimi i fermës së tij gjigante të mangove ka qenë i paligjshëm. Së fundi atij i dha të drejtë edhe Gjykata e Bashkësisë së Shteteve SADC (Komuniteti për Zhvillim i Afrikës së Jugut), por ferma e tij vazhdon të jetë e pushtuar dhe javën e kaluar u dogj plotësisht shtëpia e tij në fermë. "Qeveria e unitetit kombëtar ka dështuar plotësisht. Ka ndodhur e njëjta gjë si në vitin 1987, kur Robert Mugabe pranoi në qeveri sfiduesin e tij Joshua Nkomo dhe më pas e neutralizoi. Në të njëjtën mënyrë ka përpirë tani edhe Morgan Tsvangirain", thotë Freeth.

Qytetarë të Zimbabves në Harare duke lexuar Daily News.

Qytetarë të Zimbabves në Harare duke lexuar "Daily News".

Vërtet ka pasur përparime, dyqanet janë mbushur përsëri dhe me futjen e dollarit është ulur inflacioni. Por bujqësia nuk ecën përpara, pasi deri më sot, sundon mungesa e ligjit. Kështu shprehet Presidenti i shoqatës tregtare të fermerëve, Deon Theron, për radion ARD. "Situata duket ndoshta konfuze nga jashtë, por jo për ne. Për ne është fare e qartë se fermerët e bardhë do vazhdojnë të dëbohen nga fermat e tyre."

Partia e Tsvangirait, MDC, përfaqëson vërtetë politikën e duhur, vazhdon presidenti i fermerëve, por ajo injorohet plotësisht nga Zanu-PF e Mugabes. Edhe aktiviste për të drejtat e njeriut, si Kudakwashe Chitsike janë të zhgënjyera, pas një viti drejtimi të qeverisë së unitetit. Aktivistet politike vazhdojnë të rrihen, përdhunuesit e partisë së Mugabes janë ende të lirë. "Si mund të fillojë ndonjëherë një proces shërimi kombëtar kur gjithçka injorohet?"- pyet Chitsike.

Të dërguarit e BE-së, të cilët u pritën për herë të parë që prej shtatë vjetësh nga pushtetmbajtësit në Zimbabve, u kthyen me një gjykim kontradiktor. Komisari i BE-së për zhvillimin Karel de Gucht pranoi, se janë bërë përparime. Homologia e tij suedeze, Gunilla Carlsson, foli për "një fazë të re marrëdhëniesh". Por sanksionet kundër Mugabes dhe rrethit të tij drejtues - bllokimi i llogarive bankare dhe ndalimi i udhëtimit në BE - do të hiqen, vetëm kur të mos ketë më shkelje të të drejtave të njeriut. "Sanksionet drejtohen vetëm kundër një rrethi shumë të vogël njerëzisht dhe nuk pengojnë aspak zhvillimin ekonomik. BE-ja vazhdon të fokusohet në përmbushjen e marrëveshjes qeverisëse me partinë MDC-në." - u shpreh Carlsson.

Organizata të ndryshme demostrojnë kundër qeverisë së Mugabes, prill 2008.

Organizata të ndryshme demostrojnë kundër qeverisë së Mugabes, prill 2008.

Kryetari i MDC-së Morgan Tsvangirai, e kritikoi ashpër Mugaben. Kryeministri kërcënoi se nuk do të qëndrojë duarkryq ndërkohë që pala tjetër vazhdon të shkelë ligjet, të predikojë urrejtje dhe të thyejën marrëveshje ndërkombëtare me pushtimin e fermave. Por Mugabe nguli këmbë se pala e tij ka përmbushur brenda afateve të gjitha detyrimet e marrëveshjes. Sanksionet nuk i shërbejnë asnjë qëllimi humanitar, dhe ai, pra Mugabe, vazhdon të jetë presidenti!

Autor : Claus Stäcker / Eliana Xhani

Redaktoi : Aida Cama

  • Data 14.09.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JeYs
  • Data 14.09.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/JeYs