1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Parlamenti Evropian debaton për Kosovën

Debatet shoqërojnë një projektrezolute të përgatitur për Komisionin e Politikës së Jashtme të Bashkimit Evropian nga raportuesja për Kosovën, Ulrike Lunacek. Projektrezoluta do të votohet nesër, më 8 korrik.

Ulrike Lunacek

Ulrike Lunacek

Ulricke Lunacek, deputete e Të gjelbërve evropiane, ka përgatitur një prpjektrezolutë që vjen si përgjigje ndaj raportit të progresit të Komisionit Evropiant, të vitit të kaluar. Projektrezoluta kërkon që Komisioni i BE-së të shprehë qartë synimin e perspektivës evropiane të Kosovës dhe integrimit të saj në BE.

"Në raportin tim unë kërkoj që liberalizimi i vizave për Kosovën të fillojë menjëherë, që vendet që nuk kanë njohur Kosovën ta bëjnë këtë për të bërë më efektive përpjekjet e BE-së në Kosovë dhe parave të financuara atje. Raporti kërkon nga Serbia që të ndalojë përkrahjen e strukturave paralele në Kosovë dhe të gjejë një formë transpartente të ndihmës për serbët e Kosovës," thotë Ulricke Lunacek për Deutsche Wellen.

Parlamenti Evropian në Strazburg

Parlamenti Evropian në Strazburg

Një pikë tjetër është të përkrahet EULEX-i në procesin e forcimit të shtetit të së drejtës, dhe në hetimet e fundit që ka filluar me rastet e korrupsionit, për shembull në ministrinë e Transportit. "Unë kam bërë dhe një kërkesë tjetër, por nuk e di a do të pranohet, që Kosova të futet vitit tjetër në procesin e përgatitjes së marrëveshjes së asocijimit në BE," shton Lunacek.

Ulricke Lunacek pret që projektrezoluta e saj të marrë nesër gjatë votimit tre të katërtat e votave "që të bëhet e qartë për se është pjesa më e madhe e BE-së. Pjesa më e madhe e BE-së është për Kosovën e pavarur dhe shpresoj, se pas dhënies së gjykimit në Hagë këtë muaj, edhe vendet e tjera që nuk e kanë njohur të shfrytëzojnë mundësinë për ta bërë," thotë Lunacek.

Vendet që nuk e kanë njohur ende pavarësinë e Kosovës janë Qipri, Greqia, Rumania, Sllovakia dhe Spanja.

Autor: Aida Cama

Redaktoi: Dr. Pandeli Pani

  • Data 07.07.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/OD91
  • Data 07.07.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/OD91