1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Paralizohet transporti publik në Bruksel

Në Bruksel tramvajet, metroja dhe autobuzët kanë ndaluar. Sindikatat kërkojnë masa sigurie të qarta dhe mbrojtje nga sulmet në detyrë.

Ndalon qarkullimi publik në Bruksel

Ndalon qarkullimi publik në Bruksel

Pas një sulmi vdekjeprurës ndaj një punonjësi të transportit publik në Bruksel, në qytet është paralizuar i gjithë transporti publik. Kjo gjendje do të vazhdojë gjatë gjithë festës së Pashkëve, deri të martën pasdite. Punonjës dhe sindikalistë të Ndërmarrjes së Transportit STIB e morën vendimin për të ndaluar qarkullimin e autobuzëve, tramvajeve dhe trenave pas kësaj ngjarjeje tragjike deri sa të takohen me ministren e Brendshme, Joëlle Milquet.

"Ne presim masa të qarta dhe të fuqishme, dhe jo hapa të vegjël", thotë një përfaqësues i sindikatës CSC-Transcom, Robert Timmermans. "Problemi i sigurisë në transportin publik nuk është i ri".

Stacioni qendror i trenit i Brukselit

Stacioni qendror i trenit i Brukselit

Punonjësin 56 vjeçar të transportit publik e patën thirrur në orën 07:00 të mëngjesit të së shtunës në një aksident që kishte ndodhur midis një autobusi dhe një veture. Ai duhet të shënonte të dhënat. Në vendin e aksidentit, pronari i veturës e goditi kontrollorin kaq fort, sa ai vdiq më vonë në spital. Ndërkohë, të dyshuarin si doras e kanë arrestuar.

Autor: dpa/afp/ Auron Dodi

Redaktoi: Esat Ahmeti