1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Paralajmërim për presidentin Sarkozi

Në zgjedhjet komunale në Francë votuesit i treguan presidentit Sarkozy kartelën e verdhë. Partia e tij konservatore UMP humbi në fakt jo aq ndjeshëm, por socialistët megjithatë mundën të marrin një sërë bashkish.

Segolene Royal, Partia Socialiste duke votuar në Melle

Segolene Royal, Partia Socialiste duke votuar në Melle

Francezët i kanë dhënë një mësim presidentit Sarkozy. Nga raundi i parë i zgjedhjeve komunale në mbarë vendin fiton në mënyrë të dukshme opozita e majtë. Francois Hollande, shefi i socialistëve foli për një paralajmërim në adresë të presidentit dhe qeverisë së tij për politikën e ndjekur. "Eshtë vullneti për t´i dhënë një mësim presidentit dhe qeverisë për politikën e ndjekur për këto nëntë muaj."

Marine Le Pen, e bija e Jean-Marie Le Pen, Partia Fronti Nacional

Marine Le Pen, e bija e Jean-Marie Le Pen, Partia Fronti Nacional

Socialistët ia arritën që të mbronin një sërë qytetesh që në raundin e parë të zgjedhjeve. Përvec kësaj ata pushtuan edhe qëndra të konservatorëve. Në shumë vende të tjera udhëheqin dukshëm para balotazhit të fundjavës së ardhshme (15/16.3).

Sekretari i përgjithshëm i partisë qeverisëse UMP, Patrick Devedjian, u përpoq të ngushëllonte veten, me atë që për partinë e tij punët mund të kishin qenë më keq. E vetmja shpresë për kampin qeverisës në Bordeaux kryeministri i mëparshëm Alain Juppé siguroi postin e tij të kryetarit të bashkisë që në raundin e parë.

Kryetari i Bashkisë së Parisit Bertrand Delanoe, duke dhënë votën 9 mars 2008

Kryetari i Bashkisë së Parisit Bertrand Delanoe, duke dhënë votën 9 mars 2008

Ndryshe nga ç´e ka zakon Sarkozy nuk doli para kamerave. Ia la kryetarit të qeverisë që të komentonte humbjen në votime. Francois Fillon theksoi karakterin lokal të votimeve dhe mohoi ndikimet në politikën e qeverisë. Nuk duhen ngatërruar gjërat, tha Fillon. Politika e kombit është diskutuar në pranverë të 2007 dhe është vendosur nga francezët. Ne mbahemi fort në kursin e reformave.

Që të hënën (10.3.) vazhdon fushata zgjedhore. Të gjitha listat, që së paku kanë marrë dhjetë përqind të votave, dalin nga raundin e dytë. Në shumë qytete luan një rol kyç partia e qendrës MoDem. Formacioni i sapokrijuar nga Francois Bayrou mund të japë tonin aty, ku rezultati i votimit është i paqartë. E thënë qartë: "Unë jam i bindur, se ky aprovim i qartë i së majtës nuk do të thotë aprovim për partinë socialiste. Ky është paralajmërim në adresë të qeverisë."

Presidenti Nicolas Sarkozy

Presidenti Nicolas Sarkozy

Bayrou qysh në zgjedhjet presidenciale pat bërë bujë si personi i tretë në garë, edhe kësaj rradhe nuk do të japë rekomandime elektorale në rang vendi. por do të negociojë qytet për qytet, nëse partia e tij do të bëjë pakt me të majtët apo me të djathtët.

Fronti nacional pësoi një rënie tjetër në votime. Partia ekstreme e djathtë nuk ka një perspektivë reale për të marrë ndonjë bashki. Vajza e kryetarit të partisë Le Pen ka arritur të hyjë në balotazh në zonën e saj zgjedhore në Francën e Veriut, por konsiderohet me pak shanse për shkak të rezultatit të papritur të keq në raundin e parë.

  • Data 10.03.2008
  • Autor Andreas Teska / Paris (SWR)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DLsS
  • Data 10.03.2008
  • Autor Andreas Teska / Paris (SWR)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DLsS