1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Përmbytje nga lumenjtë në disa qytete gjermane

Lumenjtë e fryrë në Gjermani nga shiu dhe shkrirja e borës kanë përmbytur lagje të tëra të qyteteve gjermane. Në Koblenc, rrezikohet simboli i qytetit, Deutscher Eck, vendi ku bashkohen lumenjtë Mozel dhe Rin.

Vërshimet në Cel

Vërshimet në Cel

Në qytetet buzë Mozelit, Cel (Zell) dhe Kohem(Cochem) uji e ka kaluar nivelin një metër. Midis qyteteve Trir(Trier) dhe Koblenc (Koblenz), sipas të dhënave të Ministrisë së Brendshme të Rajnland-Pfalcit sot priten nivelet më të larta të ujit, ndërsa në metropolin e Rinit, në Këln, për të hënën dhe të martën priten nivele uji deri në nëntë metra. Ky nivel uji megjithatë është shumë më i ulët se ai i përmbytjeve të tjera rekord, u tha.

Uji ka mbuluar rrugët në qendër të Kohemit

Uji ka mbuluar rrugët në qendër të Kohemit

Cel dhe Kohem pjesërisht nën ujë

Uji në lumin Mozel po avancon drejt qytetit të Koblencit. "Gjendja mbetet mjaft e qetë", tha një zëdhënës i zjarrfikësve të qytetit sot në mesditë. Përmbytja e Deutscher Eck pritet të ndodhë pasdite. Në pjesë të qytetit pranë ujit, zjarrfikësit ndërtuan kalime, në mënyrë që banorët të kenë mundësi t'i kapërcejnë rrugët pa lagur këmbët. Nivelet më të larta të ujit priten të hënën në darkë. Sipas zjarrfikësve, nga përmbytja janë prekur rreth 5000 banorë.

Deutsche Eck në Koblenc, në vitin 1897 këtu u vendos monumenti i Wilhelm I

Deutsche Eck në Koblenc, në vitin 1897 këtu u vendos monumenti i Wilhelm I

Në qytetet e njohura për prodhimin e verës, Cel dhe Kohem, uji ka arritur nivelin disa metra. Në Cel, sipas ministrisë së Brendshme të landit janë përmbytur 60% e pjesës së vjetër të qytetit. Edhe pjesë të qytetit Kohem janë nën ujë. Sot në mesditë megjithatë në këtë qytet vihet re një rënie e lehtë e nivelit të lumenjve.

Autor: A. Dodi

Redaktoi: V. Filaj-Ballvora

  • Data 09.01.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/zvRS
  • Data 09.01.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/zvRS