1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Për herë të parë një grua në krye të Brazilit

62-vjeçarja Dilma Rouseff, me paraardhës emigrantë bullgarë, i fitoi qartë të dielën zgjedhjet e balotazhit dhe në këtë mënyrë bëhet në fund të vitit pasardhëse e mbajtësit aktual të postit, Lula da Silva.

Dilma Rousseff

Dilma Rousseff

"Askush nuk e mban më mirë postin e presidentit të republikës, se sa një grua," me besim në vetvete e komentoi Dilma Rouseff fitoren e saj. Për herë të parë në historinë e Brazilit, një nga vendet e rëndësishme në zhvillim të grupit G-20, shtetin do ta drejtojë një grua. Rouseff-i fitoi në fund qartë kundër kundërshtarit të saj, socialdemokratit Jose Serra.

Jose Serra uron Dilma Rouseff për fitoren

Jose Serra uron Dilma Rouseff për fitoren

Serra pranoi disfatën e tij: "Unë dëshiroj ta uroj kandidaten e zgjedhur, Dilma Rouseff dhe t'i uroj asaj punë të mira për vendin tonë. Unë kandidova me shumë krenari për postin e presidentit. Mesazhi im i lamtumirës këtë moment nuk është "adio", por "mirupafshim së shpejti". Lufta vazhdon, rroftë Brazili!"

Fjalim i kthjellët, programatik

Ndryshe nga mentori i saj, presidenti që po largohet nga posti Lula da Silva, i cili është i njohur për fjalime të mbushura me ndjenjë, 62-vjeçarja Rouseff mbajti një fjalim të kthjellët, programatik. Kjo në një kohë kur ajo kishte plot shkak për të kremtuar: partia e saj i fitoi për herë të tretë radhazi zgjedhjet presidenciale, ajo vetë kandidoi për herë të parë për një post politik: "Vendi ynë duhet t'i përmirësojë me tej zakonet dhe cilësitë e politikës. Së bashku me parti të tjera unë duhet të angazhohem për një reformë politike, e cila të theksojë vlerat republikane, në mënyrë që demokracia jonë e re të avancojë më tej."

Ish-presidenti Luiz Inacio Lula da Silva dhe Dilma Rousseff gjatë fushatës

Ish-presidenti Luiz Inacio Lula da Silva dhe Dilma Rousseff gjatë fushatës

Dilma Rouseff kandidatja e zemrës e Lula da Silvas

Lula da Silva, i cili pas dy mandatave në post nuk kishte të drejtë të kandidonte më, luftoi në fushatën elektorale për kandidaten e tij të zemrës sikur të bëhej fjalë për të ardhmen e tij politike. Me një mbështetje prej 80% për politikën e tij, ai është shumë popullor dhe do të hyjë në historinë e vendit si njëri nga presidentët më të suksesshëm.

Prej sot politikë më normale

Për Rousseffin dhe politikën braziliane tani fillojnë kohë të reja, mendon analisti Merval Pereira: "Tani do të jetë më e thjeshtë të bësh opozitë, përballë qeverisë Dilma, më e thjeshtë se lufta kundër një miti. Prej sot politika do të bëhet më normale. Edhe për Dilman, askush nuk pret prej saj që të sillet me po kaq sharmë dhe të bëhet kaq popullore sa Lula."

Autor: Gottfried Stein / Auron Dodi
Redaktor: Pandeli Pani

  • Data 01.11.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/PvY6
  • Data 01.11.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/PvY6