1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Bashkimi Europian riorienton politikën e zhvillimit

21 Maj 2017

Më shumë kontuinitet, më shumë partneritet: Këto nuk janë synime të reja për politikën europiane të zhvillimit, por Këshilli i BE-së i përcaktoi ato si udhërrëfyese të politikës së zhvillimit në të ardhmen.

https://p.dw.com/p/2dHjy
Bundesentwicklungsminister Gerd Müller in Äthiopien
Fotografi: picture-alliance/dpa/K. Nietfeld

Kontinenti afrikan pritet të përfitojë nga këndvështrimi i ri i politikës së zhvillimit të BE-së, që u vulos të premten (19.05). Ky është konkluzioni i „Institutit për Studimet e Sigurisë", që është i angazhuar në disa vende afrikane. Direktivat e reja të BE-së në politikën e zhvillimit, kanë si qëllim që BE në të ardhmen të fokusohet më shumë tek vendet e varfra, shumica e të cilave gjendet në Afrikë, thuhet në një analizë të institutit.

BE nuk e ka fjalën për direktiva për ndihmën e menjëhershme të zhvillimit, por për projekte të qëndrueshme që në plan afatgjatë sjellin vende pune. Vendet e BE-së dhe donatorët më të mëdhenj në botë duan të akordojnë më mirë planet e zhvillimit për vendet e varfra në botë, dhe të koordinojnë ndihmën me partnerët aty. Federica Mogherini, e ngarkuara e BE-së për politikën e Jashtme, është e bindur: „Ne besojmë, se investimet në zhvillim, për sigurimin e paqes dhe pasojave të klimës janë një mjet i rëndësishëm për të forcuar sigurinë dhe forcën tonë. Prandaj BE në të ardhmen do të veprojë gjithmonë në krah të Kombeve të Bashkuara."

Belgien EU-Außenbeauftragte Federica Mogherini in Brüssel
Federica Mogherini Fotografi: picture-alliance/AP/G. V. Wijngaert

Përshtatje me objektivat e OKB-së

BE përshtati direktivat e politikës së zhvillimit, të përpiluara që në vitin 2005, me kërkesat e Kombeve të Bashkuara. OKB ka vendosur objektivat e politikës së zhvillimit deri në vitin 2030.

„Kjo do të jetë baza e punës sonë për vitet e ardhshme" u shpreh sekretari i Shtetit në Ministrinë e Zhvillimit, Thomas Silberhorn në Bruksel. „Natyrisht kjo duhet të pasojë me veprime konkrete. Për ne ka rëndësi, krahas bashkëpunimit me shtetet e orientuara nga reformat, edhe tregtia e ndershme, tatimi i drejtë, një rend global i drejtë." Ministrat e Zhvillimit të BE-së duan që të largohen nga frazat boshe, por të zhvillojnë më tej bashkëpunimin në kuadër të marrëveshjes "Compacts with Africa". Kjo marrëveshje synon që të zbutet vala e emigrimit të të rinjve afrikanë në drejtim të veriut dhe drejt Mesdheut për të ardhur në Europë. Të rinjve afrikanë duhet t'u ofrohen shanse në vendet e tyre apo në vendet e tranzitit.

Thomas Silberhorn
Thomas SilberhornFotografi: DW/H.Kiesel

Luftimi i pasojave të ndryshimit të klimës

Amina Mohammed, Zëvendëssekretare e Përgjithshme e OKB-së dhe përgjegjëse për axhendën 2030 mori pjesë në takimin e BE në Bruksel. Ajo e përshëndeti faktin që BE dhe Kombet e Bashkuara tani duan të punojnë më shumë krah njëra-tjetrës. Por ajo kritikoi SHBA që deri më tani ka qenë një aktor vendimtar në politikën e zhvillimit. Nuk duhet të ndodhë tërheqja nga politika e klimës, kaq kardinale për vendet në zhvillim, kërkoi Amina Mohammed. "Kjo do të thotë, që ne nuk duam të lëmë askënd në baltë, këtë e përfshin edhe Marrëveshja e Parisit, këtu përfshihen edhe inovacionet dhe kërkimi për mjetet financiare për të vënë në jetë këtë marrëveshje.”

Por partneritet në politikën e zhvillimit do të thotë më shumë përgjegjësi për vendet afrikane, thotë Thomas Silberhorn. "Ka një përgjegjësi të madhe të qeverive në këto vende, në të cilat ka kriza urie-shikoni Nigerinë, Sudanin jugor. Këto janë vende të pasura. Duhet të këmbëngulim më shumë që shtetet e prekura të bëjnë më shumë punë preventive”, kërkon Silberhorn. Megjithatë ndihma konkrete financiare për vendet në zhvillim nuk u premtuan nga ministrat e Zhvillimit të BE.

Bernd Riegert' Korrespondent nga Brukseli, me fokus te njerëzit, ngjarjet dhe politikat në BE