1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Obama dhe Romny përballen në një duel televiziv

Dueli i parë televiziv mes dy kandidatëve u përqëndrua në politkën ekonomike dhe financiare të SHBA-së në të ardhmen. Si Obama, ashtu dhe Romney paraqitën vizionet e tyre për tatimet dhe vendet e punës.

Dueli Obama-Romney

Dueli Obama-Romney

Pesë javë para zgjedhjeve presidenciale në SHBA ka nisur faza finale e fushatës zgjedhore me duelin e parë televiziv të dy kandidatëve për kreun e Shtëpisë së Bardhë. Presidenti aktual Barack Obama dhe rivali i tij republikan Mitt Romney kanë shkëmbyer replika lidhur me politikën ekonomike dhe finaciare.

Romney kritikoi Obamën për rritjen e tatimeve, që sipas tij do të prishin koniukturën. Kandidati republikan tha se do të rivendosë vitalitetin e ekonomisë amerikane. Obama nga ana e tij kritikoi Romney për faktin se ai dëshiron t'ju heqë të pasurve tatimet në kurriz të njerëzve të klasës së mesme. Ai mendon se planet e tij do të çonin patjetër në rritjen e borxhit në vend.

TV Duell Barak Obama Mitt Romney Denver USA

Barak Obama

"Çështja nuk është se ku kemi qenë, por ku do të shkojmë", tha Obama. "Mendoj se për ne e rëndësishme është të zhvillojmë burime të reja të energjisë këtu në Amerikë; për këtë arsye ne e kemi ndryshuar kodin tonë të taksave për të pasur siguri se ne i ndihmojmë bizneset e vogla dhe kompanitë që investojnë këtu në Shtetet e Bashkuara".

Por Obama ishte dakord me Romnin për nevojën e shtimit të prodhimit energjetik. Megjithatë ai tha se duhen shqyrtuar edhe variantet e energjisë së erës, diellit dhe të biokarbureve Ai tha se është e nevojshme të bëhen investime pa e rënduar shtresën e mesme të amerikanëve me koston e tyre

Kandidati republikan paraqiti një vizion tjetër duke mohuar se do t'i ulë tatimet për të pasurit. Romni kritikoi planin e Presidentit Obama për të mos shkurtuar taksat për kompanitë e naftës, ndërkohë që mbështeti shkurtimin e taksave për energjinë alternative. Ai tha gjithashtu se do të donte të sillte përsëri në Shtetet e Bashkuara ato vende pune që janë transferuar jashtë vendit. Ai tha se shtetet janë laboratoret e demokracisë dhe mund të kryejnë disa shërbime më të mira për qytetarët.

TV Duell Barak Obama Mitt Romney Denver USA

MItt Romney


 

Krahas temave ekonomike, në këtë debat televiziv dominuan edhe pikëpamejt e ndryshme në politikën e shëndetësisë. Ndërkohë, sipas televizionit amerikan CNN, nga një sondazh i kryer për këtë debat, kandidati republikan Romney ka arritur të fitojë më shumë simpati në krahasim me Obamën. 67 përqind e të pyeturve votuan për guvernatorin e Masuçesetit. 

Debati u zhvillua në Denvër të Kolorados nën drejtimin e moderatorit 78 vjeçar, Jim Lehrer, i cili ka drejtuar shumë debate televizive të presidentëve. Tre raundet e tjera të përbashkëta mes dy kandidatëve për president do të zhvillohen në dy javët e ardhëshme. Më 11 tetor do të jenë përballë kandidatët për zevëndëpresidentë të SHBA-së.

  • Data 04.10.2012
  • Autor düa/ Mimoza Cika-Kelmendi
  • Fjalët kyç Obama, Romney
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16Jem
  • Data 04.10.2012
  • Autor düa/ Mimoza Cika-Kelmendi
  • Fjalët kyç Obama, Romney
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16Jem