Një shqiptar vritet në Mitrovicë | Ballkani | DW | 08.04.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Një shqiptar vritet në Mitrovicë

Bomba shpërtheu sot në mëngjes. Gruaja dhe katër fëmijët e të vrarit u plagosën gjithashtu, por lehtë. Autorët dhe motivet e sulmit ende nuk njihen.

default

Një bombë vrau një shqiptar të Kosovës dhe plagosi të shoqen sot (08.04.) në Mitrovicë, e cila njihet si qendër tensionesh etnike midis shqiptarëve dhe serbëve.

38 vjeçarin e vranë në orët e para të ditës së sotme me një bombë të vendosur jashtë apartamentit tek Tri Rrokaqejt, një zonë në Mitrovicën e veriut të kontrolluar nga serbët, ku jetojnë pak familje shqiptare. Anëtarët e familjes së tij, gruaja dhe katër fëmijët po mjekohen në spital për plagë të vogla.

"Një lëndë eksplozive u vendos dhe u aktivizua në dritaren e katit përdhes të familjes Haradinaj" tha policia në një deklaratë për medie. Deri tani nuk është arrestuar askush dhe nuk dihen motivet e aktit.

Tensionet midis Kosovës dhe Serbisë janë shtuar javët e fundit, pas planeve të Beogradit për ta përfshirë Kosovën në zgjedhjet lokale, parlamentare dhe presidenciale muajin e ardhshëm.

Autor:rtr/aud

Redaktoi: Esat Ahmeti