1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Një shoqëri në plakje merret gjithnjë e më intensivisht me çështje spirituale

Temë qëndrore e gazetave gjermane Krishtlindjet dhe çështjet e besimit

Indianë veshur se Santa Klausi shijojnë Krishtlindjet duke shëtitur me skuter në liqenin Bhopal

Indianë veshur se Santa Klausi shijojnë Krishtlindjet duke shëtitur me skuter në liqenin Bhopal

"Neue Osnabrücker Zeitung" shkruan:

Gjatë ditëve të Krishlindjeve kishat mbushen plot. Festa e lindjes së Jezu Krishtit duhet të ketë një forcë të jashtëzakonshme tërheqëse, së cilës nuk i shpëton dot askush. Festa të çuditshme krishtlindjesh festohen madje edhe në Kinë, Indi apo në Antarktidë. Në Gjermani besimtarët i preokupojnë çështje të ndryshme që lidhen me Biblën dhe besimin, kuptimin e jetës dhe të fesë dhe qëndrimin e individëve ndaj tyre. Këto janë edhe temat qendrore të të programeve televizive apo të kryeartikujve. Çështja e besimit është edhe në qendër të librave të humoristëve, të ateistëve apo të teologëve. Me sa duket një shoqëri në plakje merret gjithnjë e më intensivisht me çështje spirituale.

Gazeta "Westfälische Nachrichten", Mynster, thekson:

Jezu Krishti në grazhdë na bën sot të mendojmë më tepër se kurrë për fatin e fëmijëve të keqtrajtuar që mbushin radhët e kryeartikujve në Gjermani. Natyrisht që moskujdesi për fëmijët apo keqtrajtimi i tyre lidhet edhe me varfërinë materiale, por rol të rëndësishëm luan edhe varfëria shpirtërore, mungesa e përgjegjësisë nga ana e prindërve, varfëria si pasojë e mungesës së besimit. Presidenti Këler kërkon që të rinjtë dhe të moshuarit të këmbejnë më tepër me njëri-tjetrin, politikanët kërkojnë që njerëzit të mos jenë më indiferentë. Paqja në botë është momentalisht edhe qëllim i politikës së jashtme. Por mesazhi i Krishtlindjeve ka të bëjë edhe me mënyrën se si duhet të sillemi me njëri-tjetrin në jetën e përditshme.

Badische Neueste Nachrichten shkruan:

A nuk është e përshtatshme që gjatë Krishtlindjeve të sjellim në kujtesë se sa të vogla janë vuajtjet e botës së civilizuar kundrejt çështjeve dhe problemeve ekzistenciale që mundojnë rajonet e krizave dhe zonat e botës që vuajnë nga uria. Fondacioni gjerman për popullsisë botërore ka përllogaritur se në fund të vitit në botë do të ketë

6 669 705 650 banorë. Dhe meqenëse se shumica dërmuese e këtyre rreth 6,7 miliardë banorëve të tokës lindin dhe jetojnë në vendet në zhvillim, problemet e kësaj bote janë të programuara në hije.

  • Data 24.12.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CfuU
  • Data 24.12.2007
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CfuU