1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Nis sot misioni vëzhgues i BE-së në Gjeorgji

Këtë të mërkurë nis punën misioni vëzhgues i BE-së në Gjeorgji. Pak më parë ushtria ruse pat bërë të qartë, se vëzhguesit akoma nuk do të vendosen në zonën neutrale rreth rajoneve separatiste.

Vëzhguesit e parë të BE-së në Gjeorgji, 23 shtator 2008

Vëzhguesit e parë të BE-së në Gjeorgji, 23 shtator 2008

A do ta përmbushin ata dot detyrën e tyre? Sepse të 340 ekspertët e OKB-së duhet të mbikqyrin tërheqjen e ushtarëve rusë më së voni deri me 10. tetor nga Gjeorgjia.

Vëzhguesit e parë të BE-së në Gjeorgji, 23 shtator 2008

Vëzhguesit e parë të BE-së në Gjeorgji, 23 shtator 2008, Tbilisi

Në fakt të 340 vëzhguesit e BE-së, që nisin sot punën në Gjeorgji janë si të thuash spektatorë (sehirxhinj). Sepse në republikat separatiste të Abkazisë dhe Osetisë Jugore ata nuk mund të shkojnë, shtabi i përgjithshëm rus nuk i lejon vëzhguesit nga gjithsej 22 shtete të BE-së pertej kufirit. Dhe ndryshe nga marrëveshja ata nuk lejohen as të patrullojnë në zonën neutrale me Gjeorgjinë, e cila është e gjerë rreth 10 kilometer deri në Abkazi dhe Osetinë Jugore.

Shefi i misionit të BE-së, diplomati gjerman Hans-Jërg Haber

Shefi i misionit të BE-së, diplomati gjerman Hans-Jërg Haber

Mbikqyrje e situatës në zonën e sigurisë

Ata mund të kenë të drejtë të patrullojnë vetëm në kufirin jugor të zonës së sigurisë, hyrje të pakufizuar nuk do të ketë. Pala ruse e komenton kështu: "Në çdo vend stacionimi, në çdo zyrë do të qëndrojnë nga 70 vëzhgues ushtarakë. Ata përfaqësojnë 22 vende. Kompetenca e tyre është mbikqyrja e situatës në zonën e sigurisë." thotë një zëdhënës i ushtrisë ruse, që e quan veten tani trupa e vendosjes së paqes. Ushtria ruse nuk mbikqyr vetëm kufirin me Gjeorgjinë, por është e stacionuar edhe thellë në brendësi në Abkazi Osetnë Jugore.

Separatistë të Osetisë Jugore

Separatistë të Osetisë Jugore

Para OKB-së ministri i jashtëm Lawrow theksoi edhe një herë, se abkazët dhe osetojugërot i kanë kerkuar ndihmë Rusisë. "E ardhmja e Abkazisë dhe e Osetisë Jugore varet nga kontratat, që ne kemi nënshkruar. Nqs plani i presidentëve Medvedjev dhe Sarkozi përmbushet, atëherë gjendja në republikat do të stabilizohet."

3800 ushtarë rusë duhet të stacionohen në Abkazi dhe Osetinë Jugore. Ata janë të paarritshëm për vëzhguesit e BE-së, të cilët s´kanë se ç´kërkojnë atje. Presidenti Medvedjev: "Detyra jonë më e rëndësishme është garantimi i sigurisë së abkazëve dhe osetojugorëve. Ne japim çdo ndihmë edhe atë ushtarake."

Trupat ruse largohen nga Gjeorgjia, 23 gusht 2008

Trupat ruse largohen nga Gjeorgjia, 23 gusht 2008

Patrulla vetëm para zonës neutrale

Vëzhguesit e BE-së duhet të patrullojnë vetëm para zonës neutrale dhe të vëzhgojnë në se në Gjeorgji ndodhen akoma trupa ruse. Megjithatë një detyrë e vështirë, sepse pranë kufirit ka banda që grabisin, snajperistë kanë qëlluar shpesh policët gjeorgjianë. Vëzhguesit e BE-së mbeten të paarmatosur, ndër ta edhe 25 gjermanë.

Shefi i misionit të BE-së, diplomati gjerman Hans-Jërg Haber, foli për një detyrë të vështirë. Sigurimi i suksesit, stabilitetit dhe normalitetit nuk është aspak i sigurtë. Marrëdhëniet ruso-gjeorgjiane mbeten të ngrira. Meqenëse Gjeorgjia i ka ndërprerë marrëdhëniet diplomatike me Rusinë, diplomatët rusë do të largohen sot me një avion nga kryeqyteti Tbilis.

  • Data 01.10.2008
  • Autor Hermann Krause
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FSAi
  • Data 01.10.2008
  • Autor Hermann Krause
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FSAi