1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Nga miqtë e Mubarakut? - Ende i paqartë roli dhe ndikimi i zëvendëspresidentit Suleiman

Në kuadër të reformave, presidenti Mubarak vendosi në postin vakant të zëvendëspresidentit shefin e shërbimit informativ, Omar Suleimani. Suleimani është njeri i afërt me presidentin dhe gëzon respekt në SHBA dhe Izrael.

default

Omar Suleiman, zëvendëspresidenti mik i Mubarakut

Presidenti Mubarak vendosi për herë të parë në peridhën 30 vjeçare të mbajtjes së postit, një zëvendëspresident. Ai zgjodhi shefin e deritanishëm të shërbimit informativ të vendit, Omar Suleiman.

Suleiman, ditëlindja e të cilit jepet herë viti 1934, herë 1935 ose 1936, ka qenë që në fillim të viteve nëntëdhjetë në krye te shërbimit të përgjithshëm informativ (Moukhabarat).

Ägypten Kairo Proteste Mubarak Polizei Demonstration

Emërimi i një zëvendësi dhe një kryeministri të ri nuk mjaftojnë për t`i dhënë fund revoltës kundër sundimit të Mubarakut

Suleiman, i lindur në zonën rurale të Egjiptit verior, ka marrë pjesë si oficer këmbësorie në të dy luftrat kundër Izraelit, më 1967 dhe 1973. Funksioni më i rëndësishëm i shefit elegant të spiunëve ka qenë ndërmjetësimi jozyrtar në konfliktin e Lindjes së Afërme, midis fraksioneve rivalizuese palestineze si dhe midis Izraelit dhe Palestinës. Kështu për shembull ai ka marrë pjesë në përgatitjet e evakuimit të Rripit të Gazës nga Izraeli si dhe në vendosjen e armëpushimit midis Izraelit dhe palestinezëve, përkatësisht Hamasit.

Suleiman bën pjesë në rrethin më të ngushtë rreth Mubarakut dhe është përmendur gjithnjë si pasardhës i mundshëm i Presidentit, në rastet më prominente diplomatike ai është shfaqur shpesh në krahë të Mubarakut, megjithëse nuk e ka marrë fjalën asnjëherë. Edhe përndjekja pa kompromis e grupimeve ekstremiste si Gamaat Islamija dhe Xhihadi islamik në vitet nëntëdhjetë kanë qenë punë e Suleimanit, megjithëse thuhet se ai nuk është përzier me praktikat e torturave.

Deri tani duket se riformimi i qeverisë dhe emërimi i Suleimanit nuk po zbusin zemërimin e demostruese dhe pakënaqësinë e thellë të popullsisë- edhe nëse Suleiman gëzon më shumë respekt se Mubaraku. Në faqen arabe të Facebook-ut të Deutsche Welles për shembull dikush shkruan se shpreson vetëm të vendoset qetësia dhe stabiliteti. Një tjetër shkruan "Të gjithë të burgosurit politikë janë punë e Sulejmanit."

Ägypten Kairo Proteste Mubarak Polizei Demonstration

Protestat vazhdojnë

Eskperti gjerman i Lindjes së Afërme Michael Lüders nuk beson se vendimet e Mubarakut për ndryshimn e personelit do të japin kontribut në ndryshime: "Nëse në krye të qeverisë vendoset një njeri i shërbimeve sekrete, atëherë duhet të mendosh se Mubarak beson se mund t`i japë fund rezistencës me mjetet e shërbimeve sekrete, policisë, ushtrisë, forcave të sigurisë. Nëse është kështu, atëherë ai ka humbur çdo lloj kontakti me realitetin. Unë besoj se ky vendim personeli nuk do t`i ndihmojë që të fuqizojë pushtetin e tij".

Autor: Hans Spross/ Aida Cama

Redaktoi: Bahri Cani

DW.COM

  • Data 30.01.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/107MX
  • Data 30.01.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/107MX