1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Nevojë e madhe në Birmani - Shumë fshatra të izoluara

Dymbëdhjetë ditë pas katastrofës së shkaktuar nga cikloni në Birmani, autoritetet kanë dhënë shifrën e 78.000 të vdekurve. Reshje të reja janë duke vështirësuar ndërkohë gjendjen në zonat e prekura.

Birmani, të mbijetuarit presin të marrin për të ngrënë

Birmani, të mbijetuarit presin të marrin për të ngrënë

Shumë fshatra kanë mbetur të izoluara. Sipas vlerësimeve të organizatës për fëmijët rtë Kombeve të Bashkuara, Unicef rreth 1 milionë fëmijë varen vetëm nga ndihmat.

Kombet e Bashkuara janë duke bërë të pamundurën për të arritur zonat e prekura nga cilkoni. Reshjet e shumta në jug të vendit e vështirësojnë gjendjen edhe më shumë.

Ndërkohë që shiu bie me furi, Aye Win, zëdhënës i qendrës informative të Kombeve të Bashkuara në Yangon raporton mbi aksionet e vështira të ndihmave: "Ne jemi shumë të shqetësuar për gjendjen në delta. Në këtë zonë është e vështirë të shkohet, transportet për atje janë shumë të vështira, rrugët e komunikimit janë të shkatërruara, rrugët janë pjesërisht të pakalueshme dhe urat janë shkatërruar. Ne mund të fusim në përdorim vetëm kamiona të vegjël me ngarkesa 5 deri 6 tonëshe. Megjithëse ndihmat kanë ardhur deri këtu, për në është sfidë t`i dërgojmë ndihmat deri atje."

Por ata e përballojnë këtë sfidë më ndihmësat lokalë. Çdo ditë vijnë avionë me ndihma si çadra, ujë të pijshëm dhe ilaçe. Megjithatë për t`i transportuar ato deri atje humbet shumë kohë thotë më tej Aye Win: "Pasi kanë ardhur avionët dhe janë zbrazur kalojnë edhe dy ditë deri sa ndihmat të arrijnë atje. Megjithatë ka edhe zona që nuk arrihen me mjetet e transportit."

Sipas të dhënave të Kombeve të Bashkuara një deri dy milionë njerëz kanë nevojë emergjente për ndihma. Shifrat zyrtare për numrin e viktimave rriten përditë. Ato janë 78.000 të vdekur dhe 56.000 të humbur. Kryqi i Kuq dhe Kombet e Bashkuara druhen se numri i viktimave mund të rritet deri në mbi 100.000.

Qeveria ushrtarake në Birmani megjithëse i përshëndet ndihmat ndërkombëtare, nuk jep viza për ndihmësit e huaj që të hyjnë në vend. Ata të paktët që hyjnë me ndihmën e një vize turistike, ajo nuk i jep lejen e posacme për të shkuar në zonat e prekura. Këtë Aye Win nuk e kupton: "Ne na duhet ekspertë ndërkombëtarë që dinë se si trajtohen katastrofa të tilla. Sa më shumë eskpertë të kemi në vend aq më shumë mund t`i ndihmojmë njerëzit në nevojë."

Por Aye Win, që është vetë birmanez, është i kujdesshëm për të mos e kritikuart shumë qeverinë ushtarake dhe shton: "Nuk është detyrë e Kombeve të Bashkura t`i japë dru qeverise!"

  • Data 17.05.2008
  • Autor Tobias Grote-Beverborg
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/E1me
  • Data 17.05.2008
  • Autor Tobias Grote-Beverborg
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/E1me