1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Ndryshe nga Merkel Westerwelle kërkon rregulla më të forta për eurozonën

Pas gati një viti në post ministri i Jashtëm gjerman Guido Westerwelle mbajti mbrëmë në Berlin një fjalim mbi temat qendrore të politikës së jashtme gjermane.

default

Ministri i Jashtëm, Guido Westerwelle (FDP)

"Nuk kemi për t'i dhënë mësim askujt, por as nuk kemi arsye që të fshihemi", kjo është njëra nga fjalitë, me të cilat parapëlqen ta përshkruajë politikën e tij të jashtme Guido Westerwelle.

Jo prepotent e megjithatë i pazëvendësueshëm

Frankreich Deutschland Russland Merkel Sarkozy Deauville

Merkel dhe Sarkozy në Deauville kundër vendosjes së sanksioneve automatikisht

Kështu i duket atij më së miri i përkufizuar roli i Gjermanisë në botë. Gjatë fjalimit të tij ministri i Jashtëm qëndroi më gjatë në ato fusha të politikës së jashtme, në të cilat Gjermania ka shënuar së fundi suksese, për shembull zgjedhja në Këshillin e Sigurimit të OKB-së. "Shqetësohem shumë për Evropën," tha Westerwelle dhe e kishte fjalën për qëndueshmërinë politiko-financiare, e cila u testua fort sivjet prej krizës së Greqisë.

"Një euro i fortë nuk mund të durojë rregulla të buta, dhe një euro i fortë duhet të garantojë, që të mos vendosë oportuniteti politik i çastit, po kritere objektive, të cilat drejtohen kundër kujtdo, qoftë vend i vogël, apo i madh."

Westerwelle kërkon ashpërsimin e sanksioneve për të luftuar deficitin

Westerwelle kritikoi faktin, që pas hapjes së 22 procedurave të deficitit kundër shteteve anëtare të BE-së nuk janë vendosur asnjëherë sanksione. Ai kërkoi mekanizma më të ashpër sanksionesh dhe shkoi më tej sesa kancelarja.

Tema të tjera të politikës së jashtme

Në të njëjtën kohë ministri i Jashtëm paralajmëroi ndaj një politike të rinacionalizimit, e cila drejtohet kundër BE-së. Kjo është një udhë pa krye, Gjermania i përmbahet fort BE-së, tha ai. Besueshmëria dhe parashikueshmëria janë për Westerwellen atribute të rëndësishme të një politike të jashtme solide, për shembull në negociatat me Turqinë.

Aussenministertreffen in London Guido Westerwelle William Hague

Westerwelle me homologune tij britanik William Hague

"Kush nxitohet sot dhe ia mbyll Turqisë derën para hundës, ai humbet një shanc historik. Për mua vlen fare qartë edhe në sjelljen me Turqinë: Pacta sunt servanda [marrëveshjet duhen respektuar]. Fjala jonë vlen. Ne i mbajmë premtimet tona. Prandaj punojmë me tërë fuqinë, që negociatat të zhvillohen me ndershmëri dhe me rezultat të hapur dhe të mos ngecin në qorrsokak."

Në fjalimin e tij njëorësh Westerwelle foli për miqtë amerikanë dhe për partnerin strategjik Rusinë, pa të cilën nuk mund të ketë qëndueshmëri dhe siguri në Evropë. Si në çdo fjalim të gjatë ministri i Jashtëm theksoi angazhimin e vet për çarmatimin bërthamor, foli për suksese dhe dështime në Afganistan dhe për trajtimin e vështirë me ambiciet bërthamore të Iranit. Politika e jashtme gjermane nxit interesat ekonomike të vendit dhe angazhohet njëkohësisht qartë për të drejtat e njeriut, si për shembull në Kinë, tha ministri.

Autor: Nina Werkhäuser/Elert Ajazaj

Redaktoi: Lindita Arapi

  • Data 22.10.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Pl35
  • Data 22.10.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Pl35