1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Ndjenja mashtruese e pasigurisë

Prej sulmeve, krimit dhe vrasjen në Gjermani po rritet ndenja e pasigurisë. Por shifrat tregojnë se krimet e dhunshme kanë rënë. Megjithatë raportimi mbi krimin në media dominohet nga krimet spektakolare.

Masakra e Mynihut, sulmet terroriste në Ansbach dhe Vyrcburg, sulmi me thikë në Rojtlingen - shumë njerëz në Gjermani janë të pasigurt. Edhe më shumë se sulmet seksuale të Vitit të Ri në Këln, këto sulme e kanë prekur ndjenjën e sigurisë në vend dhe gjermanët po përballen me pyetjen nëse Gjermania ka importuar bashkë me më shumë se një milion refugjatë edhe dhunë dhe kriminalitet.

Sipas kriminologut Christian Walburg, i cili ka analizuar statistikat e Entit Federal për Migracionin nuk ka ndonjë lidhje mes prejardhjes dhe kriminalitetit. Ai thotë për DW-në se në shumicën e fushave klasike të kriminalitetit nuk ka ndonjë rritje të veprave penale. Përjashtim bëjnë vjedhjet e banesave dhe vjedhjet e xhepave, ku vërehet një rritje e qartë.

Mbivlerësim i rrezikut

Raportimi mbi krimin në media dominohet nga krimet spektakolare dhe vepra veçanërisht të rënda të kryera prej të rinjsh të dhunshëm. Megjithatë statistikisht ato përbëjnë vetëm një pjesë shumë të vogël të krimeve të përgjithshme. Si rezultat i kësaj, rastet e krimeve të rënda dhe rreziku për popullsinë mbivlerësohen masivisht, shkruan kriminologu Christian Walburg në analizën e tij "Migrimi dhe krimet e të miturve" në vitin 2014.

Natyrisht që jo të gjithë emigrantët janë ëngjëj dhe mes refugjatëve ka edhe kriminelë. Por po të shihen krahasohen shifrat e viteve të fundit me ato të vitit 1993 gjendja nuk paraqitet aq dramatike. Vitet e fundit janë regjistruar 84.000 azilkërkues të dyshuar për vepra penale, kurse në vitin 1993 thuajse dy herë më tepër, pra 160.000. Po ashtu duhet theksuar se fjala nuk është për krime të rënda, por për vjedhje në dyqane, apo udhëtim pa biletë. Rastet e përdhunimit kanë qenë vetëm 0,5%.

Problem zgjatja e proceseve gjyqësore

Drejtuesi i policisë së krimeve të rënda në Braunshvajg, Ulf Küch, thotë se e rëndësishme është që ata që bëjnë vepra penale të dënohen sa më shpejt. Sipas tij shumë procese gjyqësore zvarriten.

Në Braunshvajg prokuroria dhe gjykatat po praktikojnë për këtë qëllim modelin e paraburgimit të shkurtuar. Në qoftë se dikush bën në vepër penale, ai mbahet për dy ditë në parburgim. Pas kësaj brenda javës zhvillohet gjyqi. Për dikë që është në procesin e shqyrtimit të kërkesës për azil një gjë gjë e tillë mund të jetë tepër e rëndë, sepse edhe një dënim me kusht mjafton që kërkesa për azil të refuzohet.