1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Ndjenja e realitetit e Obamës ofron shanse për ta bërë botën më paqësore

Shtypi gjerman i ditës komenton marrëdhëniet Rusi - SHBA.

Flamujtë amerikanë dhe rus

Flamujtë amerikanë dhe rus

Fillimisht lexojmë në gazetën Nürnberger Nachrichten:


Paralajmërimi rus nuk është ende më shumë sesa një gjest i vullnetit të mirë, por duhet sugjeruar se Kremlini do të lehtësohej sikur të mos ndihej i detyruar që t'i futej një raundi të ri gare armatimi. Në fund të fundit edhe Rusia është e prekur prej krizës ekonomike. Dhe Vladimir Putinit me siguri që i kujtohet se ç'pasoja rrënuese pati për Moskën gara e armatimit të viteve tetëdhjetë. Ndjenja e realitetit e Obamës, ofron shanse për ta bërë botën më paqësore. Bushi njihte shtete të mira dhe të këqija. Kjo do të thotë se ai i krijoi armiqtë me përkufizim sipas ideologjisë së vet. Njeriu i ri në Shtëpinë e Bardhë, e di që politika e jashtme është ekuilibrim interesash mes fuqive dhe jo punë misionari, që në rastin më të keq çon në kryqëzata. Kjo të jep shpresë.

Sächsische Zeitung që botohet në Dresden vëren:


Njeriu-shpresë në Shtëpinë e Bardhë duhet të dallojë shanset dhe ta mendojë edhe një herë ngritjen e mburojës raketore - një projekt, që nuk është i papjekur vetëm teknikisht, por që është me pikëpyetje në planin ushtarak dhe i dëmshëm në atë politik. Do të ishte po aq e guximshme sa edhe konsekuente, sikur Obama të ndahej edhe nga kjo trashëgimi e paraardhësit të tij Bush.




  • Data 29.01.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GikZ
  • Data 29.01.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GikZ