1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Ndërrim i fortë i kursit - Planet e qeverisjes së Obamës

Pas një jave Barack Obama bën betimin si presidenti i ri SHBA-ve. Shpresat që lidhen me të janë gjigande, po ashtu si dhe problemet urgjente: kriza ekonomike, Iraku, Lindja e Afërt, Guantanamo.

default

Barack Obama

Në televizionin amerikan, ABC, Obama ditën e dielë (11.1.) e bëri të qartë. Ndërrimi i kursit do të jetë i fortë me ndërrimin e pushtetit. Për shembull në temën e Guantanamos. A planifikon këtu Obama një hetues special kundër qeverisë Bush? A do të lejojë ai zhvillimin e hetimeve për shkak të shkeljes të të drejtave të njeriut në të ashtuquajturën luftë kundër terrorit? Kështu u pyet Obama nga stacioni televiziv, ABC. Përgjigjja e tij: "Ne po shqyrtojmë akoma, se si ta prekim të gjithë temën: marrjet në pyetje, hetimet, arrestimet, etj. Natyrisht që e shohim praktikën e së kaluarës. Për mua vlen: askush nuk e vë veten mbi ligjin. Por qëndrimi im është. Tani të shohim nga e ardhmja dhe jo në të shkuarën."

Kjo me siguri që nuk mjafton për të shkruar një kryetitull "Obama çon Bushin në gjyq për shkak të Guantanamos". Por në një pikë presidenti i ardhshëm u bë më konkret: Pasi Zëvendësvpresidenti, Dick Cheney ditët e fundit mori disa herë në mbrojtje praktikën e marrjes në pyetje të të dyshuarve për terrorizëm përmes inskenimit të mbytjes në ujë, Obama e bëri të qartë, se Cheney vazhdon të mbrojë, atë që për marrjet në pyetje ai i quan "masa të jashtëzakonshme" apo "procedura".

Australien USA Vizepräsident Dick Cheney in Sydney

Dick Cheney

Për të "Waterboarding" është torturë dhe kjo metodë nuk ka për të ekzistuar nën qeverisjen e tij. Eshtë interesante, se në fushatën elektorale, John McCain dhe ai kanë patur shumë qëndrime të ndryshme, por në këtë pikë kanë qenë një.

Mbyllja e Guantanamos do të kërkojë kohë

Obama mundohet të evitojë një zhgënjim të mundshëm: Edhe pse Ministri i vjetër dhe i ri i Mbrojtjes, Robert Gates po shqyrton mundësitë e mbylljes sa më të shpejtë të kampit të të burgosurve të Guantanamos, kjo mund të zgjasë më shumë se 100 ditët, për të cilat ka foluar në fillim Obama. Situata është e vështirë, ka thënë presidenti i ardhshëm.

Ekip special për Lindjen e Afërt

Angazhim të shpejtë Obama ka premtuar për Lindjen e Afërt. Pasi ndërrimi i pushtetit ka pezulluar politikën amerikane në Lindjen e Afërt, Obama theksoi, se menjëherë pas marrjes së pushtetit do të angazhohet për një zgjidhje për përfundimin e luftës. "Momentalisht po krijoj një ekip, me qëllim që ne pas 20 janarit që prej ditës së parë të mund të angazhohemi në procesin e paqes në Lindjen e Afërt. Që do të thotë se ne do të merremi me të gjithë aktorët atje. Kështu do të bëjmë një trajtim historik të problemit, që garanton, që si izraelitët ashtu edhe palestinezët të mund të realizojnë pretendimet e tyre."

Symbolbild Obama Iran Irak Israel Nahost

Pamje simbolike

Irani do të përbëjë prioritet në politikën e jashtme të Obamës

Edhe temës së Iranit ai do t´i kushtohet menjëherë. Kjo është një nga sfidat më të mëdha për të, është shprehur presidenti i ardhshëm. Ai paralajmëroi, se ky vend mund të shkaktonte një garë armatimi në rajon. Ai do të vendosë "pikërëndësa të reja përsa i përket respektit dhe gatishmërisë për bisedime" por edhe të bëjë të qartë, se ku janë kufinjtë e SHBA-ve.

Por sigurisht deri në 20 janar natyrisht presidenti aktual, George W. Bush e ka fjalën në çështjet e politikës së jashtme.



  • Data 13.01.2009
  • Autor Frank Aischmann /Klaus Dahmann
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GXAD
  • Data 13.01.2009
  • Autor Frank Aischmann /Klaus Dahmann
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GXAD