1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Ndërkohë që kolera në Zimbabve po merr përmasa kërcënuese Mugabe mendon për pushtetin e tij

Kolera në Zimbabve po bën kërdinë. Shifrat janë alarmante. Por presidenti i Zimbabves, Mugabe, synon të sigurojë pushtetin e tij me të ashtuquajturat "zgjedhje të reja".

default

Mungesa e kushteve higjienike shkakton kolerën. Një vajzë zimbabviane duke kërkuar ushqim nëpër plehra. Në Zimbabve epidemia ka kushtuar mjaft jetë njerëzish.

Numri i të vdekurve nga kolera në Zimbabve rritet nga java në javë. Që nga shpërthimi i epidemisë në gusht deri në mes të dhjetorit, sipas të dhënave të OKB-së, kanë vdekur mbi 1.100 njerëz, të paktën 20.000 janë infektuar. Markus Bahman (Marcus Bachmann) punon për organizatën e ndihmës "Mjekë pa kufij" në Zimbabve. Ai deklaron, se s´ka asnjë dyshim, që situata është mjaft serioze: „Fakt është që kolera kërcënon në mënyrë masive popullsinë në Zimbabve. Madje mendohet që ky mund të jetë vetëm fillimi i një epidemie mjaft të gjatë, kulmi i së cilës nuk është arritur ende. “

Organizata Botërore e Shëndetësisë në parashikimet e saj niset nga më e keqja duke llogaritur se mund të infektohen deri në 60.000 njerëz, në rast se nuk veprohet shpejt dhe në mbarë territorin. Zimbabve është po aq e madhe sa Gjermania. Aktualisht njoftohet për raste të kolerës nga pothuajse një e treta e territorit të saj.

Cholera Epidemi in Simbabwe

Në Zimbabve mungon uji i pijshëm. Fëmijë në Harare që presin të mbushin ujë.

Më 4 dhjetor, pas një ngurrimi të gjatë presidenti, Robert Mugabe shpalli gjendjen e jashtëzakonshme. Vetëm pak më vonë, në prag të kongresit vjetor të partisë së tij ZANU-PF, ai deklaroi, se situata është vënë nën kontroll dhe se bota e jashtme s´ka më përse ta bëjë atë përgjegjës për epideminë. “Unë jam i gëzuar që mund t´ju komunikoj, se mjekët tanë e kanë ndalur kolerën. Çështja e kolerës në këtë mënyrë është e përfunduar."

Organizata Botërore e Shëndetësisë përcakton shkaqet e kolerës

Shpërthimi i kolerës kryesisht në vendet e Afrikës në Jug të Saharasë është në rend të ditës në periudhën e reshjeve. Por epidemia aktuale në Zimbabve ka shpërthyer shumë kohë përpara sezonit të reshjeve dhe është një prej epidemive më të rënda, që ka përjetuar Afrika vitet e fundit. Stina e reshjeve e përkeqëson edhe më shumë gjendjen. Një nënë, djali dyvjeçar i së cilës vdiq në një spital në Harare, i ka treguar një gazetari britanik, që kish udhëtuar fshehurazi në Zimbabve: “Shumë njerëz vdesin në këtë spital. Atë ditë vdiqën 20 vetë. ”

Organizata Botërore e Shëndetësisë i ka përcaktuar qartë shkaqet e epidemisë. Sipas kësaj organizate furnizimi me ujë të pijshëm në Zimbabve ose është në gjendje të mjerueshme, ose nuk ekziston fare. E njëjta situatë është edhe sa i përket sistemit të kanalizimeve dhe atij të shmangies së mbeturinave. Sistemi shtetëror i shëndetësisë ka pësuar kolaps dhe shumë zimbabvianë vuajnë nga uria dhe nga dobësimi i sistemit të imunitetit. Janë shumë të paktë ata që mund t´i përballojnë kushtet e nevojshme higjenike. Kolera është një diare bakteriale. Sëmundja përhapet tek njerëzit përmes ujit të ndotur, ose ushqimeve të papastra. Bakteriet e kolerës grumbullohen në zorrë dhe krijojnë një lëndë helmuese, që përmes diaresë i shkakton të sëmurit dehidratimin. Një pacient i sëmurë rëndë prej kolerës mund të humbasë deri në 25 litra ujë në ditë. Viktima dehidratohet dhe vdes, në rast se nuk trajtohet në kohën e duhur.

Mugabe zurück in Simbabwe

Presidenti, Robert Mugabe

Qëndrimi i presidentit të Zimbabves

Ndërkohë Presidenti Mugabe i cili qeveris në mënyrë autokratike, synon që me të ashtuquajturat "zgjedhje të reja" të sigurojë pushtetin e tij. Të shtunën (20.12) në kongresin e partisë së tij, ZANUF-PF, Mugabe deklaroi, se nuk ka ndërmend të tërhiqet. Kriza në vend nuk është pasojë e regjimit 28 vjeçar të tij, por shfaqje e pasojave të vona të kolonializmit, për të cilin ai bën kryesisht përgjegjëse fuqinë kolonizuese, Britaninë e Madhe. Në kongres Mugabe nuk e përmendi me asnjë fjalë epideminë shkatërruese të kolerës, që po bën kërdinë në vendin e tij.


  • Data 22.12.2008
  • Autor Sandra Petersmann
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GLB1
  • Data 22.12.2008
  • Autor Sandra Petersmann
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GLB1