1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Ndërhyn faktori ndërkombëtar për zgjidhjen e krizës së kodit elektoral në Tiranë

Ambasadori amerikan në Tiranë, Xhon Uidhers u takua në mesditë me kryetaren e parlamentit, Jozefina Topalli dhe dy drejtuesit e grupeve parlamentare të partive kryesore, PD dhe PS, Astrit Patozi dhe Valentina Leskaj.

default

Tirana

Pak orë para se parlamenti të nisë seancën plenare për diskutimin dhe votimin e projektligjit elektoral, aq të debatuar në rradhët e politikës shqiptare, duket se janë intensifikuar përpjekjet e faktorit ndërkombetar për gjetjen e një zgjidhje që do t'i jepte fund krizës politike mbi çështjen e kodit të ri elektoral.

Ambasadori amerikan në Tiranë, Xhon Uidhers ka patur sot në mesditë takime me kryetaren e parlamentit, Jozefina Topalli dhe dy drejtuesit e partive kryesore, PD dhe PS. Edhe një ditë më parë diplomati amerikan kishte takuar po me dyer të mbyllura dhe kryeministrin Berisha dhe shefin e opozitës Rama.

Në emër të partive të vogla që kundërshtojnë miratimin e projektkodit te ri elektoral, deputeti Dritan Prifti tha sot në mesditë se PD dhe PS po shkelin rregulloren e parlamentit, duke mos i dhënë deputetëve kohën e nevojshme për t'u njohur me projektin. Sipas tij koha e përcaktuar është të paktën 2 javë.

Deri në mesditën e së martës gjendja shëndetësore e deputetëve grevistë nuk ka shënuar probleme serioze. Por gjithsesi, sipas mjekëve që i asistojnë, ata shfaqin shenja të lodhjes dhe dobësive fizike.

Në një letër të përbashkët që 10 deputetët grevistë i kanë drejtuar parlamentit dhe instituconeve kanë shprehu qëndrimin se "kodi i ri zgjedhor duhet të sigurojë një administrim më pluralist dhe gjithëpërfshirës në administrimin e zgjedhjeve, një administrim që nuk kontrollohet dhe dominohet nga dy partitë kryesore politike".

  • Data 18.11.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FxBE
  • Data 18.11.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FxBE