1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Nën hijen e krizës financiare - Këshillimet franko- gjermane

Kancelarja Merkel u takua dje në Paris me presidentin francez Sarkozi. Në këshillimet gjermano-franceze të zhvilluara çdo gjashtëmujor u trajtua kriza financiare.

Angela Merkel dhe Nicolas Sarkozy

Angela Merkel dhe Nicolas Sarkozy

Gjermania dhe Franca nuk planifikojnë ta nxisin fuqinë blerëse të qytetarëve në këto kohë krize nëpërmjet uljes së tatimit mbi vlerën e shtuar. Gjatë këshillimeve gjermano-franceze në Paris ishim të një mendjeje, tha Angela Merkel...

"...se një ulje e përgjithshme e tatimit mbi vlerën e shtuar mund të jetë ndoshta zgjidhja për disa vende, por jo edhe për Gjermaninë dhe Francën. Këtu pati një përputhje të madhe në qëndrime."

Sarkozy në Berlin, 12 nëntor 2007

Sarkozy në Berlin, 12 nëntor 2007

Kryeministri britanik Gordon Braun kishte paralajmëruar një ulje të tatimit mbi vlerën e shtuar për vendin e vet. Kancelarja gjermane nuk do të dijë për lehtësime të tilla fiskale për të gjithë. Në vend të kësaj duhen mbështetur degë të veçanta, edhe me ndihmë nga Brukseli, bëri të qartë Merkel në Paris.

Pra Angela Merkel nuk donte që ta shtynin përpara në Paris, nuk donte që ta shtynin drejt premtimeve financiare. Për programin e planifikuar të BE-së për nxitjen e koniunkturës nuk nevojiten as para të tjera nga Gjermania, tha Merkel. Kancelarja dukej që ishte në mbrojtje në Pallatin Elize pranë një Nikola Sarkozi në atmosferë gazmore. Presidenti francez nuk e mbajti dot gazin kur me gjithë harmoninë e shumëtheksuar e thumboi kancelaren:"Pajtohemi që duhet të ketë masa të tjera. Franca vepron, Gjermania mendohet."

Nicolas Sarkozy dhe Angela Merkel para një portreti të Gustave Courbet

Nicolas Sarkozy dhe Angela Merkel para një portreti të Gustave Courbet

Angela Merkel konsiderohet në Francë si frenuese

Francezët e mbajnë mend mirë se si kancelarja gjermane fillimisht nuk donte t'ia dinte për planveprimin e përbashkët evropian për shpëtimin e bankave. Merkelit nuk i pëlqen as qeveria për ekonominë e eurozonës, e synuar prej Sarkozisë.

Në temën e dytë të madhe të takimit në Paris, atë të mbrojtjes së klimës, nuk u morr vendim. Në fakt ne jemi të një mendjeje për kushtet që u duhen vënë prodhuesve të automjeteve në lidhje me CO2-in, tha Sarkozi, por në hollësi kjo dhe tema e diskutueshme e tregtisë me emisionin do të trajtohen në samitin e Bashkimit Evropian në mes të dhjetorit.

Pa vendime për klimën

Angela Merkel është kancelarja që thotë jo. Kjo ishte esenca në gazetat franceze para këshillimeve gjermano-franceze. Kjo nuk do të ketë ndryshuar as pas takimit të shkurtër në Pallatin Elize.

  • Data 25.11.2008
  • Autor Angela Ulrich
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/G1eY
  • Data 25.11.2008
  • Autor Angela Ulrich
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/G1eY