1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

MUP-i serb, pjesë e policisë së Kosovës apo jo?

Agjencia Kosovare e Inteligjencës, AKI, po verifikon pjesëtarët e MUP-it serb që do të përfshihen në policinë e Kosovës. Përfshirja e serbëve të veriut në policinë e Kosovës është pjesë e marrëveshjes Kosovë-Serbi.

Gjatë kësaj jave përfundimisht pritet të hartohet lista e pjesëtarëve të komunitetit serb nga veriu i Kosovës të cilët do të jenë pjesë e policisë së Kosovës në veri. Përfshirja e tyre në policinë e Kosovës është pjesë e marrëveshjes Kosovë-Serbi.

Ministri pa portofol për Kosovën në qeverinë e Serbisë, Aleksander Vulin, bisedoi në Leposaviq me të ashtuquajturit pjesëtarë të Ministrisë së Punëve të Brendshme të Serbisë “MUP”, të cilët parashihet të inkuadrohen në policinë e Kosovën. Aleksander Vulin, tha se “integrimi i pjesëtarëve të veriut të MUP-it serb, do të jetë 100 përqind, citojnë mediat lokale serbe”.

Pjesëtarët e MUP-it serb në policinë e Kosovës

Kosovo feiert fünften Jahrestag seiner Unabhängigkeit in Pristina

Trupat e Policiisë së Kosovës duke parakaluar në Prishtinë

“Serbët në Kosovë tashmë e kanë pranuar integrimin, për shkak se këtë e ka kërkuar qeveria e Serbisë. Pjesëtarët e MUP-it të Republikës së Serbisë do ta pranojnë integrimin në policinë kosovare për shkak se ata e respektojnë shtetin dhe qeverinë e tyre dhe ata në të ardhmen e afërt do të marrin përkujdesjen për fatin e serbëve të Kosovës”, citojnë mediat lokale serbe, Aleksander Vulin. Kryeministri i Kosovës, Hashim Thaçi, e ka konfirmuar se në takimin e fundit me homologun e tij serb Ivica Daçiq, janë përmbyllur siç thotë ”çështjet sa i përket integrimit të serbëve në policinë e Kosovës”.

“Nuk ka më çështje të diskutueshme apo të hapura. Të gjitha janë krejt të qarta. Mund të fillojë integrimi i serbëve në policinë e Kosovës për të gjithë njerëzit që dëshirojnë të integrohen”, pati deklaruar kryeministri i Kosovës, Hashim Thaçi, pas takimit të fundit me Daciqin që zhvilloi në Bruksel, duke mos e saktësuar, nëse pjesëtarët e MUP-it serb mund të përfshihen në policinë e Kosovës.

Përfshirja e MUP-it serb në polici vendim politik

Njohësit e çështjeve të sigurisë thonë se tashmë përfshirja e pjesëtarëve të MUP-it serb në policinë e Kosovës është vendim politik. Florian Qehaja, nga Qendra Kosovare për Studime të Sigurisë, i tha DW, se “nuk përbën ndonjë risi fakti që formacione të caktuara që kanë luftuar kundër Kosovës të jenë integruar më vonë në institucione legjitime”. “Për mua janë brengosëse modalitetet e përfshirjes së tyre. Nuk dihet saktë se a do të jetë verifikim i sigurisë i bërë nga institucionet vendore (ne këtë rast AKI) definitiv në përzgjedhjen e këtyre policëve. Unë druaj që do të ketë presion ndërkombëtar lidhur me këtë. Pastaj fjala është për kritere të cilat assesi nuk bën të zvogëlohen”, thotë Florian Qehaja.

Kosovska Mitrovica - Stadt im Kosovo

Qyteti i Mitrovicës

Mediat lokale serbe shkruajnë se tashmë rreth treqind pjesëtar të komunitetit serb të komunave të veriut, pjesëtar të MUP të Serbisë, do të përfshihen në Policinë e Kosovës. Madje sic thuhet, ata do të përzgjidhen nga autoritet në Serbi. Florian Qehaja, thotë se kriteret e përzgjedhjes së policëve serb të veriut duhet të jenë të njëjta më ato të përzgjedhjes së policëve e tjerë. "Duhet të inkorporohen pjesëtarët e moshës se re, sepse edhe ashtu reforma e policisë kërkon nevojën e "rinimit" të policisë së Kosovës duke pasur parasysh se ka një mesatare të vjetër. Mos të flasim për kriteret profesionale e shkollore. Numri prej 330 pjesëtarëve është i madh dhe do të ketë refleksione në funksionimin edhe ashtu të dobët të policisë së Kosovës”, thotë Florian Qehaja.

AKI, verifikon pjesëtarët e MUP-it serb

Drejtori i Agjencisë Kosovare për Inteligjencë, Bashkim Smakaj, që raportoi në komisionin parlamentar që e mbikëqyr këtë agjenci, u fokusua pikërisht në verifikimi i pjesëtarëve të MUP-it serb në organet e sigurisë së Kosovës. Drejtori i Agjencisë Kosovare për Inteligjencë, Bashkim Smakaj, nuk foli pas takimit, por, kryetari i Komisionit parlamentar që mbikëqyrë Agjencinë Kosovare të Inteligjencës, AKI, Florin Krasniqi tha se ”Smakaj ka deklaruar se është duke u bërë verifikimi i pjesëtarëve të MUP-it serb, ku pjesa dërmuese e strukturave komanduese apo udhëheqëse të nivelit të lartë, kanë rënë në test, duke bërë kështu mos kalimin e verifikimit”, tha Florin Krasniqi.

Sidoqoftë, këtë të premte (^13.12) në Bruksel do të takohen sërish kryeministri i Kosovës, Hashim Thaçi dhe ai i Serbisë, Ivica Daciq, ku temë qendrore e diskutimit do të jetë edhe çështja e gjykatave në veri të Kosovës dhe formimi i asociacionit të komunave serbe. Nëse ka një dakordim nga të dy palët edhe për këto dy çështje, atëherë mediat në Prishtinë shkruajnë se po i vjen edhe fundi i dialogut Kosovë-Serbi që ka të bëjë me veriun e Kosovës.