1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Mjerimi i refugjatëve në brigjet e Italisë është një problem gjithëevropian

Gazetat gjermane të së hënës ndalen ndër të tjera në krizën e refugjatë, në brigjet e Italisë. Qeveria italiane shpalli së fundi gjendje të jashtëzakonshme në shumë zona të vendit.

Refugjatë ilegalë në Lampedusa të Italisë

Refugjatë ilegalë në Lampedusa të Italisë

DRESDNER NEUESTE NACHRICHTEN kujton:

"Prej vitesh përsëriten pamjet tronditëse të njerëzve të rraskapitur në varka, që ndalojnë në brigjet e Italisë së Jugut ose të Spanjës. Pas kësaj torture në det, nis shpesh historia e mundimeve të tyre në Evropë. Pa leje qëndrimi ose status azili, shumicën e herëve është e paracaktuar rruga në ilegalitet dhe kriminalitet. Vërtet që mund ta diskutosh stilin me potere të rregullimit të punëve nga Cavaliere Berluskoni. Por pranimi me duar lidhur i gjendjes aktuale në vend dhe kërkimi vetëm i një ndihme të largët nga BE, nuk do të ishte alternativë".

Ndërsa BERLINER MORGENPOST vëren:

"Mjerimi i refugjatëve në brigjet e Italisë është një problem gjithëevropian, me të cilin Italia nuk duhet lënë vetëm. Ai që kërkohet urgjentisht është një aksion i koordinuar i shteteve fqinje me Mesdheun për ta kufizuar në mënyrë të civilizuar emigrimin ilegal nga Afrika. A nuk u themelua vetëm pak ditë më parë, me bujë të madhe, një "Bashkim për Mesdheun" i bashkësisë evropiane të popujve? Këtu ky bashkim ka një detyrë, sigurisht një detyrë jo të lehtë. Por duhet të ndodhë diçka. Sepse ajo që po ndodh tani në brigjet jugore të Evropës vërtet që nuk të bën ta shohësh me krenari praktikën evropiane të të drejtave të njeriut."

  • Data 28.07.2008
  • Autor AUD
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ekrs
  • Data 28.07.2008
  • Autor AUD
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ekrs