1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Ministri gjermani Mbrojtjes de Maiziere në Kosovë

Në Kosovë po qëndron për një vizitë ministri gjerman i Mbrojtjes, Tomas de Meziere. Ai vizitoi trupat gjermane të NATO-s dhe u takua me kolegun kosovar, Agim Çeku.

default

Ministri gjermani Mbrojtjes, Thomas de Maiziere (CDU)

Gjatë një vizite që u bëri trupave gjermane të KFOR-it, Tomas de Meziere, tha se tërheqja e trupave të NATO-os nga Kosova do të bëhet gradualisht konform vlerësimeve të situatës së sigurisë.

Ministri gjerman i Mbrojtjes, Tomas de Meziere, tha se në Kosovë 12 vjet pas përfundimit të luftës është krijuar një përspektive pozitive, që mundëson tërheqjen e trupave të NATO-s nga Kosova. Tërheqja e trupave të NATO-s do të bëhet gradualisht konform vlerësimeve të situatës së sigurisë, tha ai. Këtë deklaratë, ministri gjerman e bëri gjatë një vizite të trupave gjermane të KFOR-it, të stacionuara në jug të Kosovës. Tomas de Meziere, gjatë ditës së djeshme takoi me dyer të mbyllura kryeministrin e Kosovës Hashim Thaçi, me të cilin është biseduar edhe për dialogun Kosovë Serbi. Ai thotë se ky dialog është i rëndësishëm për të dyja palët.

KFOR Soldaten der Bundeswehr

Ushtarë gjermanë të KFOR-it marrshojnë më 31 gusht 2007 në Prishtinë

“Është e rëndësishme që bisedimet Kosovë-Serbi kanë filluar. E di që kjo është e vështirë për tu kuptuar për popullatën e Kosovës, mirëpo nëse paraqiten probeme atehërë duhet biseduar njëri me tjetrin. Komuniteti ndërkombëtar është duke i përcjellë me vëmendje këto biseda dhe është me rëndësi që këto biseda të zhvillohen në një mirëbesim të dyanshëm sepse ndryshme nuk mund të arrihen në rezultate', tha ministri gjerman i mbrojtjes Tomas de Meziere.

Ministri gjerman i Mbrojtjes, gjatë ditës së sotme do të takojë edhe ministrin e Forcës së Sigurisë së Kosovës, Agim Çeku. Ministria gjermane e mbrojtjes vazhdon ta ndihmojë Forcën e Sigurisë së Kosovës me mjete ushtarake. Gjermania, ka në kuadër të KFOR-it numrin më të madh të ushtarëve, megjithë reduktimin e trupave të KFOR-it, të cilat aktualisht numërojnë vetëm pesë mijë sosh.

Autor: Bekim Shehu

Redaktoi: Aida Cama

DW.COM

  • Data 31.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10lIC
  • Data 31.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10lIC