1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Ministri gjerman i Mbrojtjes De Maizière nën presion

Rënia e de Maizièrit mund të ndikojë negativisht edhe për kancelaren Merkel dhe partinë e saj CDU tani disa muaj para zgjedhjeve.

Thomas de Maiziere nuk është ndonjë njeri me shumë temperament dhe as ndonjë personalitet, që bie fort në sy. "Disa njerëz thonë se unë të krijoj përshtypjen e  një kapëse letrash," tha ai një herë në një intervistë. Megjithatë, me emrin e politikanit 59-vjeçar të CDU-së shumë njerëz asociojnë gjithashtu atribute shumë më të mira: ai është i matur, besnik, i virtytshëm, i disiplinuar dhe modest  gjykojnë kolegët dhe vartësit e tij si dhe vëzhguesit politikë. 

Angela Merkel dhe Thomas de Maiziere

Angela Merkel dhe Thomas de Maiziere në Kundus, Afganistan

Për kancelaren Angela Merkel ai qe një person i besuar dhe një "armë për të gjitha qëllimet." Në vitin 2005 ajo e mori atë si ministër pranë kancelarisë në anën e saj. Në vitin 2009 e bëri ministër të Brendshëm dhe në mars 2011 - pas dorëheqjes së Karl-Theodor zu Guttenberg - ministër të Mbrojtjes. Të paktën që nga kjo kohë ai konsiderohej edhe si pasardhësi i mundshëm i Angela Merkelit.

Çështja Euro Hawk

Drohne Drohnen Unbemanntes Flugzeug Bundeswehr Deutschland Euro Hawk

Euro Hawk

Por tani ministrit të Mbrojtjes i duhet të luftojë për mbijetesën e tij politike. Dështimi i projektit për avionët pa pilot Euro Hawk, i cili ka kushtuar disa qindra milionë euro, mund të çojë në dorëheqjen e ministrit. Ky projekt kishte nisur para se Thomas de Maiziere të bëhej ministër i Mbrojtjes. Më 5 qershor de Maiziere duhet të shpjegojë përpara Komisionit Parlamentar për Mbrojtjen rrethanat se përse ka dhënë urdhër për ndërprerjen e këtij projekti dhe nëse këtë e ka bërë me kohë, apo me vonesë si mendon opozita.

Ushtarë të pakënaqur

Por jo vetëm çështja Euro Hawk i shkakton probleme imazhit të ministrit të Mbrojtjes. Aktualisht prokuroria po heton ndaj një punonjësi të ushtrisë gjermane në lidhje me akuzat për korrupsion në rastin e blerjeve të disa pajisjeve dhe armatimeve, që kanë dalë me defekte.

Oberstleutnant Ulrich Kirsch bei Pressekonferenz Bundeswehrverband

Ulrich Kirsch

Po ashtu ushtarët dhe oficerët janë të pakënaqur edhe prej reformave, që ka nisur paraardhësi i de Maizièrit. Shefi i Shoqatës së Ushtrisë Gjermane Ulrich Kirsch mendon se paraardhësi i tij zu Guttenberg i kishte lënë de Maizièrit pas një katrahurë, por se megjithatë ky i fundit mban përgjegjësinë për pasojat financiare.

Pasoja për kancelaren

A mund të ndikojë negativisht rënia e de Maizièrit për kancelaren Merkel dhe partinë e saj CDU tani disa muaj para zgjedhjeve? Partia CDU për momentin nuk duket e fortë, sidomos pas një sërë dorëheqjesh, si ministri i Ambientit  Norbert Rëttgen, ministrja e Arsimit Annette Schavan, apo disa politikanë drejtues të landeve.

Deri tani Merkeli duket megjithë kritikat dhe problemet thuajse pa konkurrencë në krye të partisë CDU dhe të shtetit. Këtë e tregojnë jo vetëm anketimet, por edhe vlerësimet në media, që janë kryesisht pozitive. Edhe revista "Forbes" sapo e ka zgjedhur kancelaren Merkel për të tretën herë si gruaja më e fuqishme në botë.

Megjithatë në rast se de Maiziere do të detyrohet të japë dorëheqjen, kjo gjë mund të ndryshojë. Sepse askush në radhët e partisë CDU nuk është i gatshëm të marrë përsipër postin e ministrit të Mbrojtjes, që konsiderohet si katapultë famëkeqe.