1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Ministri gjerman i Bujqësisë jep dorëheqjen

vfb (dpa) A. Dodi14 Shkurt 2014

Vetëm dy minuta iu deshën ministrit të Bujqësisë, Friedrich për ta deklaruar dorëheqjen e tij. Presioni në aferën e politikanit Edathy është shumë i fortë, tha ai. Prokuroria është e shqetësuar për nxjerrjen e sekretit.

https://p.dw.com/p/1B9VI
Hans-Peter Friedrich gibt seinen Rücktritt bekannt - Archivbild
Fotografi: picture-alliance/dpa

Ministri gjerman i Bujqësisë, Hans-Peter Friedrich dha dorëheqjen për shkak të rolit të tij në aferën rreth politikanit socialdemokrat, Sebastan Edathy.

"Dëshiroj t'ju bëj të ditur se i kam ofruar sot kancelares së republikës dorëheqjen nga posti i ministrit të Bujqësisë", tha politikani i CSU-së në Berlin. Friedrich e informoi në tetor si ministër i Brendshëm kryetarin e Partisë Socialdemokrate Gjermane, Sigmar Gabriel se emri i socialdemokratit Edathy është shfaqur në hetime.

"Unë vazhdoj të jem i bindur se kam vepruar politikisht dhe juridikisht si duhet në tetor", tha Friedrich. "Por unë them edhe se presioni orët e fundit mbi mua u rrit në masën që unë besoj se nuk mund t'i kryej më detyrat që kam në këtë dikaster me përqendrimin, me qetësinë por edhe me mbështetjen e nevojshme politike."