1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania historia ime

Migracioni grek: Dikur vinin punëtorët, sot akademikët

Pas vitit 1960 në Gjermani vinin nga Greqia punëtorë të përkohshëm. Sot për të kërkuar punë vijnë grekë që kanë mbaruar universitetet, por që për shkak të krizës dramatike nuk shohin ndonjë perspektivë në vendin e tyre.

--- DW-Grafik: Peter Steinmetz

Dossier Headerbild Deutschland meine Geschichte Albanisch Griechenland

Prindërit e Kostas Dimitriout bëjnë pjesë në kontigjentin e atyre punëtorëve, asokohe të përkohshëm, që erdhën në Gjermani vetëm për një afat të caktuar: „Prindërit e mi dhe shumë grekë të tjerë erdhën për të fituar para në Gjermani. Planet e tyre ishin, të qëndronin dy vjet, ndoshta tre, të kursenin nga rroga sa të mundnin e pastaj të ktheheshin tek familjet e tyre.“ Por shumë syresh qëndruan – si prindërit e Kostas Dimitriout, sot kryetar i Shoqatës së komunitetit grek në Gjermani (OEK).

Që nga mesi i viteve 50-të, Gjermania kishte nënshkruar me disa shtete marrëveshje për thitjen e punëtorëve të huaj për firmat gjermane që kërkonin me urgjencë krahë pune. Marrëveshja e parë u nënshkrua në vitin 1955 me Italinë, me Greqinë marrëveshja u nënshkrua më 30.03.1960.

Pakicë e pandier

Pas hyrjes në fuqi të marrëveshjeve bilaterale, erdhën në Gjermani forca pune të rekrutuara në zyrat e vendit të origjinës. Pas disa vitesh pune ata pritej të ktheheshin pranë familjeve. Por llogaria nuk doli ashtu si pritej: Pavarësisht parimit të rotacionit – sipas së cilit punëtorët e huaj duhej të zëvendësoheshin pas disa vitesh me kontigjente të reja punëtorësh nga të njejtat vendet – firmat i inkurajuan punëtorët e ambientuar tashmë, që të qëndronin. Arsyeja ishte e thjeshtë: Përshtatja dhe kualifikimi i fuqisë së re punëtore do t’u shkonte firmave gjermane më shtrenjtë.

Ein griechisches Lebensmittelgeschäft im Bahnhofsviertel in Frankfurt am Main. (Undatierte Aufnahme). Foto: Roland Witschel +++(c) dpa - Report+++

Dyqan grek në Frankfurt mbi Main



Historia e emigrimit të shumë grekëve ndryshoi kur ata krijuan vetë familje dhe lindën fëmijë: Kostas Dimitriou rrëfen: „Fëmijët shkuan në shkollë në Gjermani, kontakti me Greqinë ruhej përmes pushimeve, por epiqendra e jetës ndërkohë ishte zhvendosur.“

Gjatë viteve të qëndrimit në Gjermani, emigrantët grekë gati nuk kishin rënë në sy - prandaj kishin fituar epitetin „pakica e pandier“. Gatishmërinë e grekëve për t’u integruar, Kostas Dimitriou e lidh me dy faktorë: „E para është tradita e gjatë e migrimit tek grekët, dhe suksesi në shkollë i fëmijëve grekë“. Pritshmëria e lartë e familjeve greke ndaj rezultateve të fëmijëve të tyre në mësime, ka luajtur një rol të rëndësishëm në procesin e integrimit.”

Migrantët luftojnë për demokracinë

Një fazë e paharrueshme e historisë së migracionit grek është koha e diktaturës ushtarake (1967 – 1974). Organizatat dhe shoqatat greke jashtë u angazhuan fuqishëm për demokracinë në Greqi. Shumë politikanë demokratë grekë gjetën strehë në Gjermani dhe vazhduan nga ky vend rezistencën kundër diktaturës, si për shembull presidenti i mëvonshëm, Kostas Simitis. Tek luftëtarët e rezistencës kundër diktaturës ushtarake bën pjesë edhe presidenti i sotëm i Greqisë, Karolos Papoulias, i cili ka punuar për disa vite edhe në redaksinë greke të Deutsche Welle-s.

Numri më i lartë i qytetarëve grekë në Gjermani shënohet në vitin 1973. Pikërisht këtë vit, kriza në Gjermani solli ndalimin e marrëveshjes për fuqinë punëtore në Gjermaninë Perëndimore dhe mbylljen e tregut gjerman për punëtorët e huaj. Radhazi u miratuan ligje të ndryshme që do të mundësonin kthimin e punëtorëve të huaj. Për shembull, për pjesëtarët e familjes që vinin më pas u vendos rregulli i pritjes për tregun e punës. Nga viti 1973-1975 rritet numri i grekëve që lenë Gjermaninë dhe rikthehen në vendlindje.

Në vitin 1980, Greqia bëhet pjesë e Bashkimit Evropian dhe nga viti 1987 për grekët hyri në fuqi ligji „i lirisë së punësimit“ në Bashkimin Evropian. „Më shumë se 100.000 migrantë grekë erdhën nga vitet 1987-1997 për një kohë të shkurtër në Gjermani“ kujton Kostas Dimitrou. „Jo të gjithë ishin punëtorë të thjeshtë, apo fuqi punëtore e pakualifikuar, por mes tyre kishte akademikë dhe studiues.“

Mes kthimit dhe qëndrimit

Për shkak të rritjes së papunësisë në vitet 80-të, politika gjermane tentoi ta reduktonte numrin e të huajve. Në vitin 1983 u miratua Ligji për nxitjen e gatishmërisë për kthim të punëtorëvë të huaj. Rreth 300.000 punëtorë të huaj (7% e të huajve që jetonin në vitin 1984 në Gjermani) e pranuan këtë ofertë dhe u kthyen në vendlindje.

Për qeverinë gjermane kjo ishte një mundësi për të reduktuar numrin e popullsisë së huaj dhe për të konsoliduar sistemet e sigurimit social, sepse sasia e pagesës së punëdhënësit në kontributin e pensioneve të migrantëve të kthyer i mbetej në këtë rast sigurimit.

Pas vitit 1997 si pasojë e procesit të natyrshëm të plakjes dhe stabilizimit të procesit të imigrimit numri i grekëve që jetojnë në Gjermani është ulur. Shumë nga punëtorët e parë, pasi dolën në pension, u kthyen në Greqi.

ARCHIV - Eine junge Frau trägt die Farben Griechenlands vor dem Gruppe A Vorrundenspiel Griechenland gegen Russland bei der Fußball-EM 2012 in Warschau, Polen, am 16.06.2012. Am Sonntag (17.06.2012) finden in Griechenland Parlamentswahlen statt. Die Wahlen, bei denen 21 Parteien antreten, werden als Schicksalswahlen gesehen. Beobachter fürchten, dass es je nach Wahlausgang zu einem Finanzcrash in der Eurozone kommen könnte. EPA/VASSIL DONEV

Për shkak të krizës në Gjermani po vijnë sot grekë që kanë mbaruar universitetet



Në kohën e krizës grekët rizbulojnë Gjermaninë

Nga viti 2009 kur kriza ekonomike goditi Greqinë, gjithnjë e më shumë grekë po e braktisin vendlindjen për të kërkuar fatin e tyre në Gjermani. Tek emigrantët e rinj bëjnë pjesë akademikë, ish-punëtorë të përkohshëm që rikthehen në Gjermani si edhe fuqi e pakualifikuar punëtore. Organizatat greke marrin çdo ditë mijëra telefonata dhe kërkesa nga të interesuar – sot kjo është pjesë e përditshme e punës së Kostas Dimitriout: “Shumë prej tyre kërkojnë me dëshpërim një vend pune. Përvoja tregon që shumica e të ardhurve janë të shkolluar dhe kjo e lehtëson integrimin e tyre në tregun gjerman të punës.”

Grekë të suksesshëm në Gjermani

Despina Kazantzidou

Shiko videon 03:58

Despina Kazantzidou

Christos Yiannopoulos

Shiko videon 04:40

Christos Yiannopoulos nga Greqia

Jannis Androutsopoulos

Shiko videon 04:53

Jannis Androutsopoulos nga Greqia

Audio dhe video për temën