1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Merkeli kërkon të respektohet vendimi i Gjykatës Penale Ndërkombëtare për Sudanin

Pas takimit me Sekretarin e Përgjithshëm të OKB-së, Ban Ki Moon, kancelarja gjermane Angela Merkel, ka theksuar pavarësinë e Gjykatës Penale Ndërkombëtare për urdhërarrestin ndaj presidentit sudanez Al Bashir.

Ban Ki Mun dhe Angela Merkel

Ban Ki Mun dhe Angela Merkel

Kancelarja gjermane Angela Merkel vuri në dukje se pavarësia e Gjykatës Penale Ndërkombëtare duhet respektuar: "Ne të gjithë kemi marrë përsipër të bashkëpunojmë me Gjykatën Ndërkombëtare Penale. Dhe e mbështesim atë duke mos u shprehur në mënyrë kritike", tha ajo mbas takimit me Sekretarin e Përgjithshëm të OKB-së, Ban ki Mun, të martën, më 15.07.08, në Berlin. Tërthorazi Merkeli u distancua kështu nga deklarata e mëparshme e Ban Ki Munit, i cili e kishte cilësuar urdhërarrestin ndaj presidentit sudanez si problematik për zgjidhjen paqësore të konfliktit të Sudanit. Kryeprokurori i Gjykatës Ndërkombëtare Penale në Hagë, Luis Moreno-Okampo (Luis Moreno-Ocampo), të hënën kishte nxjerrë urdhërarrest ndaj presidentit sudanez me akuzën për gjenocid ushtruar ndaj afrikanëve me ngjyrë në Darfur.

Ban Ki Mun gjithashtu u shpreh për respektimin e pavarësisë ndaj gjyqësorit, dhe theksoi se "paqja dhe drejtësia janë të pandashme". Por ai kujtoi se në Sudan ka mbi 16 mijë punonjës të OKB-së, të cilët kujdesen për refugjatët e brendshëm. Kjo është një punë shumë e çmuar tha ai dhe i bëri thirrje qeverisë së Sudanit që të bashkëpunojë tërësisht me misionin humanitar të OKB-së: "Paralajmëroj qeverinë e Sudanit dhe presidentin Al Bashir që të sigurojnë kushtet e përshtatshme në mënyrë që misioni i OKB-së të kryejë detyrën ashtu siç e parashikon mandati i Këshillit të Sigurimit".


Shkak për këtë deklaratë janë kërcënime për hakmarrje kundrejt punonjësve civilë të OKB-së si dhe ushtarëve të Unionit Afrikan, që mbështesin misionin humanitar. OKB-ja pat marrë vendim qysh të martën për të tërhequr një pjesë të konsiderueshme të misionit të saj nga zona e krizës. Në krahinën në perëndim të Sudanit, Darfur, po zhvillohet një luftë e ashpër pesëvjeçare ndërmjet fiseve afrikane me ngjyrë dhe arabëve islamistë, që mbështeten nga Kartumi. Numri i viktimave të deritanishme mendohet të ketë arritur në 300.000.

Sekretari i Përgjithshëm i OKB-së, Ban Ki Mun, të martën në mbrëmje u takua edhe me ministrin jashtëm Frank Valter Shtajnmajer (Frank-Walter Steinmeier), me të cilin ai hapi në mbrëmje një konferencë dyditore me krerë organizatash joqeveritare dhe ministra të jashtëm nga vende të ndryshme të botës. Në konferencën e zhvilluar me dyer të mbyllura merr pjesë edhe i ngarkuari i BE-së për çështjet e jashtme dhe të sigurisë, Havier Solana (Javier Solana). Gjate dites së mërkurë, Ban do të shkoje per vizite edhe ne zyren gjermane te OKB-së në Bon. Kjo eshte vizita e pare zyrtare Banit në Gjermani.

  • Data 16.07.2008
  • Autor Anila Shuka/ Berlin
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ed8K
  • Data 16.07.2008
  • Autor Anila Shuka/ Berlin
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Ed8K