1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Merkel kërkon nga BE-ja reforma rrënjësore

Kancelarja gjermane debatoi në Bruksel me kryetarët e fraksioneve të Parlamentit Evropian. Merkel dëshiron të ndreqë "gabimet e themelimit" të bashkimit monetar. Për këtë ajo dëshiron të bëjë ndryshime të marrëveshjeve.

Krerët e fraksioneve në Parlamentin Evropian përjetuan një kancelare objektive, serioze, e cila shpjegoi këndvështrimin e saj në lidhje me krizën e euros dhe tregoi rrugë, sesi mund të zgjidhen sipas saj problemet në BE. Merkel-i gëzon shumë respekt në parlament, jo vetëm si kryetare qeverie e vendit më të rëndësishëm dhe më të suksesshëm në krizë. Ajo u tregua edhe evropiane e bindur dhe partnere e parlamentit. Gjatë fjalimit të vet programatik ajo iu referua fillimisht të kaluarës: Liria, të cilën përjetuan evropianët me rrëzimin e Murit [të Berlinit], duhet t'i nxisë ata tani për të ndërmarrë ndryshime të domosdoshme, tha ajo.

"Çështje të ndjeshme të sovranitetit kombëtar"

Alliance of liberals and Democrats for Europe (ALDE) group leader Guy Verhofstadt reacts during a debate on the 2011 EU budget, as part of a plenary session at the European Parliament on November 23, 2010 in Strasbourg eastern France. AFP PHOTO FREDERICK FLORIN (Photo credit should read FREDERICK FLORIN/AFP/Getty Images)

Shefi i liberalëve në Parlamentin Evropian, Guy Verhofstadt

Dhe Merkeli gjykon se këto ndryshime nevojiten urgjentisht. Këtu bën pjesë sipas saj jo vetëm konsolidimi i hekurt i buxheteve shtetërore, po edhe një disiplinë e kontroll më i theksuar, në mënyrë që zhytja e tepruar në borxhe të mos përsëritet në këto përmasa. Në planin afatgjatë, evropianët nuk duhet të tremben as nga ndryshimet e marrëveshjeve, tha kancelarja. "Ne duhet të gjejmë tani rrugën e duhur, për të stabilizuar për kohë të gjatë bashkimin ekonomiko-monetar, duke eliminuar gabimet e tij të themelimit", u shpreh Merkeli. Në samitin e dhjetorit krerët e shteteve dhe të qeverive duhet të miratojnë "një agjendë ambicioze" për reforma për dy-tri vitet e ardhshme, vijoi ajo. Për shembull, institucionet evropiane duhet të marrin "të drejta ndërhyrjeje kontrolluese të vërteta, për sa i takon buxheteve kombëtare". Një bashkërendim më i madh evropian lipset me gjasa "edhe atje, ku preken sektorë bazë të sovranitetit kombëtar. E kam fjalën për fusha të ndjeshme, si tregu i punës dhe politika fiskale".

Shpëtim vetëm nëpërmjet një shteti evropian?

Local authorities workers driving their motorbikes protest in front of the parliament in Athens on Wednesday Nov. 7, 2012. Greece?s fragile coalition government faces its toughest test so far when lawmakers vote later Wednesday on new painful austerity measures demanded to keep the country afloat, on the second day of a nationwide general strike. The euro13.5 billion ($17.3 billion) package is expected to scrape through Parliament, following a hasty one-day debate. But potential defections could severely weaken the conservative-led coalition formed in June with the intention of keeping Greece in the euro.(Foto:Dimitri Messinis/AP/dapd)

Protestë me motoçikleta në Athinë

Nga disa kryetarë fraksionesh pati para së gjithash kritikë ndaj politikës së kursimit në vendet e krizës si Greqia, Portugalia dhe Spanja. Hannes Swoboda, kryetari i fraksionit socialist, kërkoi "të ndërpritet eksperimenti i dështuar i politikës së kursimit" dhe të kalohet në një politikë rritjeje ekonomike. Ngjashëm u shpreh Rebecca Harms e Të Gjelbërve mbi një "politikë të njëanshme krize", ndërkohë që shefi i liberalëve Guy Verhofstadt u angazhua për obligacione të përbashkëta evropiane, prej të cilave ai shpreson një ulje të barrës për vendet në krizë. Verhofstadt është një nga politikanët evropianë, të cilët duan të shkojnë më larg, kur është fjala për integrimin dhe që shpresojnë në arritjen e zgjidhjes vetëm nëpërmjet kësaj rruge: "Euroja mund të zhduket, në rast se ne nuk krijojmë një shtet evropian të vërtetë, një qeveri evropiane të vërtetë, një demokraci evropiane me një buxhet të vërtetë dhe me obligacione të saj."