1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Merkel fton Obamën për një vizitë në Gjermani

Politikanët gjerman i premtojnë presidentit të ardhshëm amerikan se mund ta konsiderojë Gjermaninë si një partnere e besueshme dhe mike e vjetër.

Shumica e mbi 200 mijë amerikanëve që jetojnë në Gjermani janë pro demokratë. Rreth 5000 syresh janë anëtarë të Partisë së Obamës.

Shumica e mbi 200 mijë amerikanëve që jetojnë në Gjermani janë pro demokratë. Rreth 5000 syresh janë anëtarë të Partisë së Obamës.

Kancelarja gjermane Angela Merkel i siguroi presidentit të ardhshëm amerikan bashkëpunim në frymë mirëbesimi. "Në fillim të periudhës suaj legjislative bota ndodhet para sfidave të mëdha. Jam e bindur, se përmes një bashkëpunimi të ngushtë dhe në mirëbesim mes Evropës dhe SHBA-së do t'i përballojmë me vendosmëri rreziqet dhe risqet e reja dhe do t'i shfrytëzojmë mirë shanset e larmishme që dalin në botën tonë globale", shkruan kancelarja demokristiane ndër të tjerash në një telegram që nisi herët në mëngjes në Uashington. Merkel e ftoi Obamën për një vizitë në Gjermani.

Telegram i dërgoi Barak Obamës (Barack Obama) edhe presidenti i Gjermanisë, Horst Këler (Koehler), i cili i premtoi presidentit të ardhshëm amerikan se mund ta konsiderojë Gjermaninë si një partnere e besueshme dhe mike e vjetër. "Gjermania dhe SHBA-të janë të lidhura me njëra tjetrën përmes vlerave të përbashkëta", thekson Këler, "dhe ky është themeli për bashkëpunimin në bashkësinë transatlantike."

Ministri gjerman i punëve të jashtme, Frank-Valter Shtajnmajer (Frank-Walter Steinmeier), u shpreh i gëzuar për rezultatin e zgjedhjeve. "Amerika votoi për ndryshimin, si në planin e brendshëm, ashtu edhe në atë të jashtëm", tha ai para kamerave televizive. Politikani socialdemokrat kujtoi fjalimin e Obamës në Berlin dhe theksoi afërsinë ideore me Obamën në çështje të tilla, si klima, energjia apo puna e organizatave ndërkombëtare. "Por ky ndryshim dëshmon për gjallërinë e demokracisë amerikane dhe kjo më gëzon", tha kandidati për kancelar.

Mijëra amerikanë festuan gjatë gjithe natës në Berlin fitoren e Obamës. Shumica e mbi 200 mijë amerikanëve që jetojnë në Gjermani janë pro demokratë. Rreth 5000 syresh janë anëtarë të Partisë së Obamës.

  • Data 05.11.2008
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fnpy
  • Data 05.11.2008
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fnpy