1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Merkel: Evropa ka detyrë të veçantë në Ballkan

Kancelarja gjermane Angela Merkel në debatin e sotëm në Bundestag ka theksuar rolin e veçantë të Bashkimit Evropian për zgjidhjen e statusit të Kosovës

default

Angela Merkel

"Evropa ka një detyrë të veçantë në Kosovë. Gjithë bota shikon nga ne," tha Angela Merkel paradite gjatë debatit për miratimin e buxhetit të shtetit për vitin e ardhshëm. Merkel falënderoi diplomatin gjerman, Volfgang Ishinger (Wolfgang Ischinger), për përpjekjet e tij për arritjen e një zgjidhjeje konsensuale dhe apeloi tek palët që të sillen me përgjegjshmëri për stabilitetin e gjithë Evropës. Merkel tha se edhe në të ardhmen do të jetë i nevojshëm angazhimi i ushtrisë gjermane (Bundeswehr) në kuadër të NATO-s:

"Do t'i kontrollojmë vazhdimisht bazat ligjore për këtë mision, në se rezultati i negociatave nuk do të jetë ai që shpresojmë", premtoi Merkel para parlamentarëve.

Kancelarja gjermane premtoi se në takimet e ardhshme të Këshillit të Bashkimit Evropian ajo do të përpiqet së bashku me ministrin e jashtëm Frank Valter Shtajnmajer (Frank-Walter Steinmeier) që të bëhet ç'është e mundur që të çohen përpara arritjet e deritanishme në Ballkanin Perëndimor.

DW.COM

  • Data 28.11.2007
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CU5O
  • Data 28.11.2007
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CU5O