1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Merkel dhe al-Arabi diskutojnë për Sirinë

Sekretari i Përgjithshëm i Ligës Arabe, Nabil al-Arabi, këtë të martë u takua në Berlin me kancelaren Angela Merkel. Ata folën për një veprim të ashpër kundër Sirisë

Bashkimi Evropian mbështet këtë qëndrim dhe do të ndërmarrë sanksione të mëtejshme, tha Merkel pas takimit. Në mënyrë të veçantë ata vunë në dukje rolin e Ligës Arabe si një rol kyç në këtë rajon. Ata u shprehën për një bashkëpunim të ngushtë të BE-së dhe Ligës lidhur me shkeljet e të drejtave të njeriut në Siri.

Angela Merkel dhe Nabil al-Arabi në Berlin

Angela Merkel dhe Nabil al-Arabi në Berlin

Gjermania më parë ishte shprehur në mbështetje të propozimeve të Ligës Arabe për dërgimin e një misioni paqësor në të cilin të marrin pjesë edhe ushtarë helmetkaltër të OKB-së. Por Siria e kishte hedhur poshtë kategorikisht këtë ide. Ambasadori i Sirisë në Kajro, Jussif Ahmed, fajësoi vendet e Gjirit Persik, Arabinë Saudite dhe Katarin për komplot ndaj Sirisë. Rusia ka premtuar të rishikojë këtë kërkesë të Ligës Arabe. Ministri i Jashtëm gjerman Guido Westerwelle i quajti këto kërkesa si një sinjal i fuqishëm për njerëzit në Siri.

Pillay kritikon ashpër qëndrimin e KS të OKB-së për Sirinë

Komisarja për të drejtat e njeriut e Kombeve të Bashkuara, Navi Pillay ka kritikuar ashpër qëndrimin e Këshillit të Sigurimit lidhur me konfliktin e Sirisë. Paaftësia e saj për të rënë dakord mbi hapat e përbashkët e ka inkurajuar me sa duket regjimin e presidentit Baschar al-Assad për sulme të tjera ndaj kundërshtarëve të tij, tha Pillay para Asamblesë së Përgjithshme të Kombeve të Bashkuar. "Unë jam tmerruar sidomos me sulmet e vazhdueshme në Homs. Qysh prej 3 shkurtit qeveria ka intensifikuar sulmet e saj në Homs edhe më shumë duke përdorur tanke, mortaja, raketa dhe artileri".

Në foto, Hillary Clinton

Në foto, Hillary Clinton

Më parë kishte dështuar një Rezolutë e OKB për Sirinë për shkak të vetos së Kinës dhe Rusisë. Megjithatë SHBA shpreson edhe më tej në një marrëveshje. Lidhur me këtë ministrja e Jashtme amerikane Hillary Clinton deklaroi: "Ne do të rrisim presionin tonë diplomatik ndaj regjimit për shkak të dhunës së përdorur. Sanksionet tona ne do t'i ashpërsojmë dhe do të punojmë më tej që bashkësia ndërkombëtare të dënojë regjimin e Assad-it."

Autorë: Agj / Mimoza Cika-Kelmendi

Redaktoi: Esat Ahmeti