1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

1914 - Lufta e I Botërore

Medalje ari për Gjermaninë

Pas medjales së bronxit dhe të argjendit në tri ditët të para të Olimpiadës sportistët gjermanë arritën të fitonin në ditën e katërt të saj katër medalje ari.

default

Ole Bischof (djathas) dhe Alexander Grimm

Medaljen e parë të arit për Gjermaninë e fitoi në slalomin e kanotazhit, Aleksander Grim. 21-vjeçari nga Augsburgu fitoi në garën me kajak individual ndaj francezit Fabien Lefevre dhe Benjamin Boukpeti nga Togoja.

"Nuk më besohet as vetë, nuk e kam realizuar ende, më duket se duhet të fle nja tri ditë dhe pastaj ta marr vesh që fitova në olimpiadë. Një moment i papërshkrueshëm." - tha Grim, i cili në garat eleminatore ishte renditur i katërti.

Edhe Benjamin Boukpeti ishte mjaft i gëzuar, sepse është afrikani i parë që fiton një medalje në slalomin e kanotazhit.

Vetëm dy orë pas tij Ole Bischof fitoi medaljen e artë në xhudo ndaj koreanojugorit Kim Jae Bum. Me fitoren ndaj pretendentit nga Korea e Jugut 28-vjeçari surprizoi të gjithë elitën botërore të këtij sporti.

"Olimpiada mendoj se ka ligjet e veta. Traineri im ka qenë vetë fitues i një olimpiade dhe më ka treguar se si bëhet kjo. Dhe jam shumë i lumtur që arrita të bëja si traineri im Frank Wieneke." - tha Ole Bischof.

Medaljen e tretë dhe të katërt të artë për Gjermaninë i fituan hipistët. Në arenën e hipizmit Sha Tin në Honkong ekipi gjerman i përbërë nga Hinrich Romeike, Andreas Dibowski, Frank Ostholt, Peter Thomsen dhe Ingrid Klimke fitoi në garat e përziera duke lënë pas Australinë dhe Britaninë e Madhe.

Më pas Hinrich Romeike fitoi medaljen e artë në garën individuale.

Në ditën e katërt të Olimpiadës notari amerikan Michael Phelps fitoi medaljen e tij të tretë të artë në 200 metera stil i lirë, që i përshkoi në 1:42,96 minuta, duke iu afruar edhe një hap më tej qëllimit të vet për të fituar në Pekin tetë medalje të arta.

  • Data 12.08.2008
  • Autor Tobias Oelmaier
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Evrl
  • Data 12.08.2008
  • Autor Tobias Oelmaier
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Evrl