1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Lunacek: Kosovarët nuk duhet të mbeten të izoluar

Raportuesja e Parlamentit Evropian për Kosovën Ulrike Lunacek përshëndeti fillimin e dialogut për heqjen e vizave për Kosovën. Ajo pohon se izolimi i kosovarëve do të ishte katastrofë.

Ulrike Lunacek

Ulrike Lunacek: izolimi do të ishte katastrofë.

Ulrike Lunacek, zëdhënëse për politikë të jashtme e fraksionit të të gjelbërve dhe raportuese për Kosovën në Parlamentin Evropian, deklaron se "vajtja e Komisares së BE-së Malmström në Prishtinë dhe hapja e dialogut me Kosovën për heqjen e vizave, sjell një hov të ri në procesin e afrimit me BE-në të të gjitha vendeve te Ballkanit Perëndimor.

Fillimi i dialogut për heqjen e vizave me Kosovën është shenjë e stabilizimit dhe normalizimit të rajonit. Përveç kësaj futet në proces përfundimi i politikës së përjashtimit kundrejt Kosovës, sepse të gjithë qytetarët e tjerë të Ballkanit perëndimor mund të lëvizin të lirë në BE, prej fundit të vitit 2010.

Ulrike Lunacek

Së shpejti do të prezantohet edhe Road-Map.

Pas vizitës së Malmström-it në Kosovë, Komisioni duhet të prezantojë një Road- Map për liberalizimin e vizave. Qeveria e Prishtinës duhet të zbatojë me përkushtimin e nevojshëm, detyrat në rrugën drejt heqjes së detyrimeve të vizave, duke përfshirë edhe shoqërinë civile të vendit.

Brukselit dhe Prishtinës i kërkohet që të nxjerrin nga izolimi i pamerituar qytetarët kosovarë. Izolimi është për popullsinë kosovare, dy të tretat e të cilës janë nën 25 vjeçarë, një katastrofë. Ai përbën një problem edhe për besueshmërinë e BE-së. Liria e lëvizjes, një nga shtyllat themelore të mendimit evropian, nuk duhet tu mohohet ende njerëzve në Kosovë.

Autor: Aida Cama

Redaktoi: Bahri Cani