1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Lavrov: Rusia do të mbetet kryesuese në investimet në Mal të Zi

Shefi i diplomacisë ruse, Sergej Lavrov, në kuadër të turit ballkanik vizitoi Podgoricën, ku u takua me zyrtarët më të lartë shtetërorë. Në takim u vlerësuan lart marrëdhëniet tradicionale midis dy vendeve.

Ministri i Jashtëm rus Sergej Lavrov

Ministri i Jashtëm rus Sergej Lavrov

Vizita e shefit të diplomacisë ruse, Sergej Lavrov, është një ngjarje e madhe për secilin shtet e posaçërisht për Malin e Zi, kur këtë vit shenojmë 300 vjetorin e vendosjes së marrrëdhënieve të para politike midis Malit të Zi dhe Rusisë. Kështu deklaroi shefi i diplomacisë malazeze, Millan Rocen, në konferencen e përbashkët për shtyp pas takimit me zyrtarin e lartë rus, Sergej Lavrov.

Lavrov vlerëson rolin e Malit të Zi në rajon

Nga ana e tij shefi i diplomacisë ruse Lavrov vlerësoi lart partneritetin e Malit të Zi për bashkëpunim si në planin ndërkombëtar, në Kombet e Bashkuara, OSBE dhe në Këshillin e Evropës. Ai po ashtu tha se Mali i Z ka luajtur një rol jashtëzakonisht të madh në vendosjen dhe forcimin e stabilitetit ne rajonin e Ballkanit . Krahas çështjeve politike në takimin me zyrtarin e lartë rus u diskutua edhe për bashkepunimin ekonomik si në fushen e turizmit dhe të investimeve. Sipas z. Lavrov Rusia edhe më tej do të ruajë pozicionin lider me numrin e investimeve në Mal të Zi . Ai por edhe homologu i tij malazez Roqen hodhen poshtë pohimet se investitorët rusë në Mal të Zi ndihmohen nga shteti. Jo rrallë herë shtypi i pavarur malazez i ka akuzuar disa nga këto investitorë rusë për larje parash në Mal të Zi .

Ministri i Jashtëm i Malit të Zi, Milan Rocen

Ministri i Jashtëm i Malit të Zi, Milan Rocen

Shefi i diplomacise ruse Lavrov pati takime të veçanta edhe me Presidentin e Malit të Zi, Filip Vujanoviq. Zyra e Presidentit njoftoi se Lavrov ka thenë se Rusia do të perkrahë Malin e Zi drejt integrimeve evropiane. Ndërkaq përsa i perket integrimit të Malit të Zi në Nato ai ka shprehur qëndrimin e Rusisë për këtë çështje, duke nënvizuar se kjo gjë nuk mund të prishë raportet e mira tradicionale midis dy vendeve .

Nënshkrimi i një sëre marrëveshjeve bilaterale do ta forcojë bashkëpunimin

Në takimin Lavrov me kryeminsitrin Igor Llukshiq është konstatuar se nënshkrimi i një sërë marrëveshjeve bilaterale do të krijojë kushte për realizimin e një sërë projekteve të përbashkëta, të cilët do të kontribuojnë në forcimin e bashkëpunimit ekonomik dhe në investime. Në fund të takimit me zyrtarët malazezë Lavrov i ka bërë thirrje Malit të Zi që të perkrahë projektin e formimit të qendrës rajonale për veprim në situata të jashtëzakonshme, qendër e cila do të ndërtohej në Nish të Serbisë.

Sergei Lavrov dhe Boris Tadic në Beograd, 19 prill 2011

Sergei Lavrov dhe Boris Tadic në Beograd, 19. prill 2011

Krahas kësaj merret vesh se në Beograd është diskutuar edhe për situatën në rajon dhe në Kosove. Ministri i Jashtëm rus pas takimit me homologurn serb Vuk Jeremiq ka thënë se Rusia mbeshtet iniciativën e Serbisë që Këshilli i Sigurimit i Kombeve të Bashkuara ta autorizojë një hetim lidhur me akuzat, që përmenden në raportin e Dik Martit, akuza të cilat autoritetet e Kosoves kategorikisht i kanë hedhur poshtë.

Autor: Vera Katana

Redaktoi: Angjelina Verbica