1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Lëndohen ushtarë të KFOR-it gjatë aksionit për heqjen e barrikadave në Veri

Në orët e hershme të mëngjesit KFOR-i nisi aksionin për heqjen e barrikadave në disa nga rrugët e veriut të Kosovës. Gjatë këtij aksioni janë lënduar edhe ushtarë të trupës ndërkombëtare.

KFOR heq barrikadat

KFOR heq barrikadat

Të paktën tetë ushtarë të forcave paqeruajtëse janë lënduar gjatë aksionit të sotëm për heqjen e barrikadave të vëna nga serbët në veri të Kosovës, konfirmojnë për DW, zyrtarë nga zyra për informim e KFOR-it. Njoftohet se njëri nga ushtarët e KFOR-it është lënduar nga gazi lotsjellës gjatë përpjekjes për të shpërndarë serbët, një tjetër nga tymi i madh, ndërsa gjashtë të tjerët nga mjetet për shuarjen e zjarrit.

Forcat paqeruajtëse të NATO-os, sot në mëngjes nisën aksionin për heqjen e barrikadave në disa nga rrugët e veriut të Kosovës të cilat çojnë në dy pikëkalimet kufitare me Serbinë, Jarinje dhe Bërnjak. Një zëdhënës i KFOR-it, Uve Novicki, thotë se operacioni i deritashëm ka rezultuar i suksesshëm. Ai konfirmon se KFOR-i ka kontroll të plotë në pikat kufitare dhe se kontrollon të gjitha kalimet në kufirin me Serbinë. Deri tani KFOR-i ka arritur të largojë barrikadën në hyrje të fshatit Zupq, e cila ka qenë e betonuar si dhe një barrikadë në fshatin Jegenicë, në rrugën Zvecan-Zubin Potok.

Mediet serbe njoftojnë se në orët e hershme të mëngjesit presidenti Serb Boris Tadic, u kërkoi serbëve në veri të Kosovës të mbesin të qetë, ndërsa NATO-s i kërkoi t'i shmanget përdorimit të dhunës. “Liderët e serbëve lokalë në veri do të duhej të punonin vetëm në interesin e njerëzve dhe jo nën ndikimin e disa partive politike serbe”, citohet të ketë thënë presidenti Boris Tadiq.

Autor: Bekim Shehu

Redaktoi: Lindita Arapi

DW.COM

  • Data 20.10.2011
  • Fjalët kyç kfor, veriu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/12vjR
  • Data 20.10.2011
  • Fjalët kyç kfor, veriu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/12vjR