1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Kryesore pavarësimi i policisë nga politika - Simpozium rajonal në Tiranë

Përfaqësues të policive nga vendet ballkanike diskutojnë në Tiranë mbi trajnimin dhe lidershipin në polici.

Tiranë

Policia rrugore, Tiranë

Një nga idetë kryesore të konferencës rajonale ka qënë dhe nevoja e pavarësimit të rolit të policisë nga çdo manipulim a përdorim nga politika, si një aspekt thelbësor në rritjen e besimit të komunitetit dhe në parandalimin e goditjen e krimit të organizuar dhe atij ordiner.


Vendet e rajonit të ballkanit kanë mjaft argumente për të prezantuar nevojën që ka bashkëpunimi mes tyre në luftën për të parandaluar dhe goditur krimin. Një aspekt me rëndësi është dhe aplikimi i standarteve në kualifikimin profesional të policisë- që ishte dhe tema kryesore e konferencës së parë ballkanike që u mbajt të martën në Tiranë me titull "Mbi trajnimin dhe lidershipin në polici".

Duke përsëritur disa herë rëndësinë që ka për një shoqëri demokratike mbajtja larg e policisë nga manipulimi dhe përdorimi politik, pjesëmarrësit në konferencë duke treguar për eksperiencat në vendet e tyre kanë tentuar që të ndërtojnë një strategji të unifikuar për trajnimin policor.

Ministri i Brendshëm i Shqipërisë Bujar Nishani, shprehet se e përbashkëta e vendeve të rajonit është aplikimi i modeleve nga vendet kryesore të BE-së dhe SHBA. "E përbashkëta është se nxisim trajinimin dhe kualifikimin që i shërben frymës së komunitetit si dhe nivelit profesional të efektivave policore", thotë Nishani.

Ndërkohë që drejtori i përgjithshëm i policisë së shtetit në Shqipëri, Ahmet Premci, tregoi për ndryshimet që janë bërë jo vetëm në legjislacion, por dhe në aplikimin e metodave që garantojnë punonjës të policisë më të informuar më me etikë dhe që respektojnë në çdo hap të aktivitetit të tyre liritë dhe të drejtat e qytetarëve.

Përfaqësuesit e vendeve donatore të programeve kualifikuese të policive theksuan më shumë nevojën e trajnimeve cilësore për të gjitha nivelet, si një masë efikase antikrim dhe antikorrupsion.


  • Data 29.07.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ElsY
  • Data 29.07.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ElsY