1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Kriza ndërkombëtare financiare

Kriza financiare është ndër temat më të komentuara në shtypin gjerman së premtes.

default

Gazeta "Frankfurter Allgemeine Zeitung" shkruan: "Kapitalizmi amerikan i patrazuar prej kontrollit shtetëror i krijoi vet kamikazët, lëndët shpërthyese të së cilëve, derivatet, e tejkalojnë edhe efektin e bombave fluturuese të xhihadistëve. Jo vetëm në Nju Jork, por në të gjithë botën ne kemi tani një "Ground Zero" të ri: ky është Wall Street-i. Edhe në Gjermani duhet paguar një çmim i lartë për mëkatet e ekonomisë amerikane të financave, këto janë 320 milionë eurot, që banka kredituese shtetërore KfW i ka trasnferuar tek Lehman Brothers në falimentim e sipër. Edhe nëse reaksioni zinxhir do të ndalet përballë banakve gjermane dhe sistemit të kredive, pasojat do të jenë mjaft të dhimbshme në të dyja anët e Atllantikut: tkurrje e rritjes ekonomike, papunësi më e lartë, të ardhrua më të pakta nga tatimet dhe më pak hapësirë për shpërndarjen."


"Stuttgarter Zeitung" komenton: "Ajo që mungon tani është besimi. Manovrat politike, ndër to bën pjesë edhe refuzimi i McCains-it për të marrë pjesë në debatin e kandidatëve për president, nuk kontribuojnë për stabilizimin e gjendjes. Të tilla gjeste bombastike bartin rrezikun, të shndërrohen në profetësi që dalin të vërteta. Shtëpia e bardhë ndërkohë paketën e planifikuar për daljen nga kriza po e sitilizon aq shumë si zgjidhjen e vetme, sa dështimi i saj mund të përfundojë vërtetë në një katastrofë të bursës. Kjo është e pamundur. Megjithatë evropianët duhet që dramën politike që po inskenohet përtej Atllantikut, ta ndjekin me një dozë të shëndoshë arësyeje."


Citat edhe nga komenti i "Westfälische Nachrichten": "Të gjitha përpjekjet për ta zbutur krizën financiare me fjalë janë mjaft të pështjelluara. (Ministri gjerman i financave) Peer Steinbrück e ka kuptuar si duhet. Dje në parlament trokiti ora e së vërtetës. Gjermanët duhet të përgatiten për një rritje më të zbehtë ekonomike dhe për një treg pune që po lëkundet. Askënd nuk duhet ta gënjejë mendja: Bota nuk do të jetë si përpara kësaj krize, ishte ky skenari i zymtë i ministrit. Ky rrefim i së vërtetës nuk qe i vështirë për ministrin socialdemokrat. Me SHBA ministri ka gjetur një kokë turku të goditur rëndë, e kësisoj lajmësi, që përcjell mesazhin e kobshëm, nuk rrezikon aspak që të pësojë dëm politik."




  • Data 25.09.2008
  • Autor (VFB)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FPAh
  • Data 25.09.2008
  • Autor (VFB)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FPAh