1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Krishtlindjet në Kosovë - Kremtim në frymën e tolerancës ndërfetare

Katolikët e myslimanët në fshatin Papiq e kanë traditë nga parardhësit e tyre festimin bashkarisht të festave fetare.

Natë Krishtlindjeje. Një rrugë e veshur pjesërisht me borë e ngricë, çon në Papiq, një fshat i vogël në perëndim të Kosovës i banuar nga 25 familje të komuniteteve katolikë e myslimane. Nga shtëpitë e stolisua me drita duket që nga larg se familjet brenda tyre sonte kanë festë . Njëra ndër to edhe familja Berisha, me të hyrë në oborrin e së cilës të pret me të lehura qeni i shtëpisë . Brenda, pritja e ngrohtë . Atmosferë festive në çdo kënd. Zonja e shtëpisë ,Maria 55 vjeçare, nënë e pesë fëmijëve, tashmë ka bërë përgatitjet dhe është në pritje të meshës në kishën e fshatit. "Po, jemi përgatit me t´gjitha të mirat e Zotit", thotë ajo dhe tregon, se mirëpresin edhe fqinjët myslimanë, të cilët i konsiderojnë si njerëz të familjes.

Pritje e festave bashkë

Dhe pritja e festave të tyre së bashku me fqinjët myslimanë është gjëja më e zakonshme në fshain e tyre, thotë kryefamiljari, Mikeli. "I presim mirë e bukur me gëzime e dashuri dhe i urojmë njëri-tjetrit si Krishtlindjen e Pashkën ashtu edhe dy Bajramat. Të gjitha i kremtojmë bashkë ", thotë Mikeli.

Ramë Gashi, fqinji mysliman, 53 vjeçar, baba i tre femijëve, i cili jeton as 300 metra larg tyre, tashmë ka ardhur që për festën e Krishtlindjeve të ngrejë dollinë me një gotë raki me fqinjin e tij katolik. "Jemi si me që në vllazni. Jetojmë bashkë, punojmë bashkë, ndihmojmë shoqi-shojin në çdo rast", thotë Rama, fqinji mysliman, duke shtuar se ata të gjitha festat i kremtojnë së bashku.

Weihnachten im Kosovo

Familja katolike Berisha dhe familja myslimane Gashi festojnë së bashku

Komuniteti në Kosovë kundër përçarjeve mbi baza fetare

Në kë të fshat të banuar nga katolikë e myslimanë është ruajtur feja falë respektit ndaj bindjeve fetare të njëri-tjetrit dhe tolerancës tradicionale ndër fetare . Mikeli thotë, se këtë traditë e kanë trashëguar nga parardhësit e tyre: "T´parët tanë e kanë ruajtur fenë katolike falë mirëkuptimit të myslimanëvë. Në familjen tonë, gjysma janë ba myslimanë e gjysma kanë mbetë katolikë."

Ramë Gashi, mysliman, do të dë shironte që toleranca ndërfetare në Kosovë të shërbejë si shembull për popujt tjerë në botë . "Jemi vëllezër të një gjaku, të një feje, të një kombi, të një kulture dhe të gjithë besojmë në një Zot".

Në Kosovë do të kremtohet përvjetori i "Ediktit të Milanos"

"Pas gëzimit në festimet e shumta të 100-vjetorit të Pavarësisë së Shqipërisë dhe daljes së popullit tonë nga sundimi shumëshekullor i Perandorisë Osmane, vazhdojmë përvojën e gëzimit të festës së përvjetshme të Kërshëndellave", tha ndër të tjera Ipeshkvi i Kosovës Dodë Gjergji në mesazhin drejtuar besimtarëve të krishterë. Ndërsa, në meshë n kryesore të Krishtlindjeve në mesnatë të mbajtur në Prizren, Ipeshkvi Dode Gjergji theksoi, se është aftësia për të falur ajo që i miqëson njerëzit e jo mohimi i së vërtetës ose mbulesa e së keqes me petkun e harresës. "Kisha, duke iu bindur ungjillit dhe dashurisë së vërtetë dhe të drejtë dëshiron të rindezë në zemrat e njerëzvve vullnetmirë ndjenjën e paqes, të pajtimit, të faljes që shpije në miqësi të reja ndërmjet popujve."

Ipeshkvi Dodë Gjergji tha se Kisha dhe populli në Kosovë do të festojnë edhe përvjetorin e 1700-të të Ediktit të Milanos, ku zë fill edhe toleranca ndërfetare dhe me të cilin për herë të parë në historinë e qytetërimit evropian zyrtarizohet barazia dhe bashkëjetesa e besimeve të ndryshme fetare.