1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Kredi për rrugët nga Deutsche Bank

Banka gjermane Deutsche Bank, bëhet financuese e disa projekteve madhore të Shqipërisë në fushën e infrastrukturës. Bashkë me bankën greke Alpha Bank, ajo i ka dhënë një kredi prej 250 milion eurosh Shqipërisë.

Rrugë në Shqipëri

Rrugë në Shqipëri

Kjo është një kredi sindikale. Quhet kështu sepse në të marrin pjesë një grup apo sindikatë bankash ku Deutsche Bank dhe ajo e Greqisë, Alpha Bank, sigurojnë pjesën më të madhe të kredisë. Me 250 milionë eurot e marra hua pritet, që programi ambicioz i investimeve të Shqipërisë në infrastrukturë, të sigurojë karburantin financiar për të ecur përpara drejt realizimit. Në krye të listës së këtyre investimeve qëndron përfundimi i rrugës Durrës - Kukës, me ndërtimin e segmentit të fundit dhe më të vështirë, Rrëshen- Kalimash.

Burime nga Ministria e Finacave thanë për DW-në, se kredia do të lëvrohet në dy këste. Kësti i parë prej 90 milion eurosh do të lëvrohet brenda këtij muaji, kurse kësti i dytë me më shumë se 155 milionë euro do të lëvrohet brenda qershorit, muaj në të cilin do të zhvillohen edhe zgjedhjet parlamentare të rradhës.

Deutsche Bank, Selia në Frankfurt

Deutsche Bank, Selia në Frankfurt

Marrja hua nga institucionet financiare ndërkombëtare dhe jo nga bankat vendase duket se është një zgjedhje e menduar e qeverisë së Tiranës, për të ruajtur stabilitetin financiar në Shqipëri dhe zvogëluar ndjeshëm nevojën e saj, për të financuar buxhetin e shtetit nga tregu i brendshëm financiar.

Kredia prej 250 milion eurosh, rezulton të jetë më e shtrenjta në gjithë historinë e finacave të Shqipërisë. Me normat e tanishme të eurobor-it interesi i kredisë pritet të jetë 11,3 përqind. Një normë e tillë interesi është dy herë më e lartë se ajo për kredinë 230 milion eurosh, që qeveria e Tiranës mori vitin e kaluar ng dy banka greke, përsëri për të finnacuar rrugën Durrës- Kukës.

Ministri i Financave, Ridvan Bode i gjen argumentat kryesore të një përqindjeje tëtillë interesi tek tregu financiar ndërkombëtar. "Niveli i kredisë reflekton interesat e tregut. Prandaj në treg nuk mund të flitet kurrë, nëse një kredi u muar shtrenjtë apo lirë. Për këtë kredi qeveria ka diskutuar edhe me Fondin Monetar Ndërkombëtar dhe me Bankën Botërore. Sugjerimi i tyre ka qenë i tillë, që e konsideron marrjen e një kredie në tregun ndërkombëtar një sukses shumë të madh. Pasi për BB dhe FMN, nuk ka rëndësi norma e interesi,t me të cilën Shqipëria merr një kredi por fakti që e merr sepse sot nuk ofrohen para." tha Ministri i Finacave, Ridvan Bode. Nga ana tjetër kjo kredi shihet nga qeveria edhe si një lloj injektimi për tregun, pasi jep garanci për stabilitetin e kursit të këmbimit dhe furnizon tregun me likuiditet.

Por eksperti i ekonomisë Sherif Bundo, mendon ndryshe. Sipas tij kredia prej 250 milion eurosh , që do të përdoret për përfundimin e rrugës Durrës- Kukë,s nuk do të ketë ndikime të tilla pozitive sidomos në zhvilimin ekonomik të vendit, pasi ajo po merret pë të kapërcyer vështirësitë që po has qeveria në realizimin e programit të saj të investimeve. "Nevoja për një huamarrje të tillë është e lidhur me emergjencat që ka buxheti i shtetit dhe për rrjedhojë është e lidhur me afatet, objektivat, strategjitë që ka projektuar dhe kërkon të zgjidhë qeveria," thotë Sherif Bundo.

Një rritje e madhe ekonomike e vendit në vitin 2009, do të mund të përligjte normën e interesit prej 11.3 përqind. Fondi Monetar Ndërkombëtar parashikon një rritje prej 0,4 përqind, të GDP ose Produktit të Brendshëm Bruto, nga 6,8 përqind që ishte në vitin e kaluar. "Nuk jam i sigurt, nëse kjo kredi do të prodhojë apo gjenerojë një rritje ekonomike të begatë, që të justifikojë norma të tilla interesi," tha eksperti në fushën e ekonomisë, Sherif Bundo.

Qeveria Berisha ka publikuar si kohën e përfundimit të rrugës Durrës- Kukës, fundin e muajit qershor.

Autor: Ani Ruci

Redaktoi: Aida Cama

  • Data 15.05.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HqtH
  • Data 15.05.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HqtH