1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Kosovë: PDK mund të krijojë koalicion me LDK

PDK-ja që fitoi më së shumti vota, është në pritje të rezultateve përfundimtare, para se të bëjë ofertën për koalicione

Prishtinë, 2007

Prishtinë, 2007

Dy partitë më të mëdha politike që fituan më së shumti vota në zgjedhjet e 17 nëntorit, PDK-ja dhe LDK-ja, nuk e përjashtojnë mundësinë e krijimit të një koalicioni për të formuas së bashku qeverinë. Zyrtarë të këtyre dy partive
thonë se aktualisht nuk ekziston asnjë marrëveshje, sepse janë duke u pritur rezultatet përfundimtare të zgjedhjeve, ndërsa më pas do të shihet mundësia e krijimit të një koalicioni. Të dy subjektet politike thonë se nuk do të jenë përjashtuese në raport me asnjë parti tjetër sepse sipas tyre kështu e do demokracia. Ndërkohë, zyrtarë të LDK-së, parti e cila doli në zgjedhjet e 17 nëntorit si partia e dytë, thonë se teorikisht ekziton mundësia që të hyjnë në koalicion me PDK-në, vetëm nëse të dy partitë do të mund të shkrinin programet e tyre në një program të përbashkët qeveritar.

Sidoqoftë, bazuar në rezultatet e pjesshme të zgjedhjeve, të cilat nuk pritet të ndryshojnë shumë nga ato përfundimtare, PDK-ja, si fituese e zgjedhjeve matematikisht ka mundësi të formojë koalicion edhe me disa parti tjera, duke e lënë jashtë qeverisë LDK-në. Mirëpo, analistët mendojnë se PDK-ja, do të ndodhet para presionit ndërkombëtar që të krijojë një qeveri stabile, në këtë rast me LDK-në duke përfshirë edhe pjesëtarët e pakicave. Këta të fundit kanë vende të rezervuara në kuvend. Madje përfaqësuesit serb edhe pse nuk morën pjesë në zgjedhje, nëse dëshirojnë të jenë pjesë e institucioneve kanë të garantuara edhe poste ministrore. E gjithë kjo për faktin që synim i komunitetit ndërkombëtar është stabiliteti politik dhe gjithpërfshirës në Kosovë.

  • Data 27.11.2007
  • Autor Bekim Shehu/ Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CThg
  • Data 27.11.2007
  • Autor Bekim Shehu/ Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CThg