Kosovë: Zgjedhjet do të përsëriten në pesë komuna

Komisioni për ankesa dhe parashtresa, morri vendim për përsëritjen e tërësishme të votimeve në komunat Drenas, Skënderaj dhe Deçan, dhe përsëritjen e votimeve poashtu në një qendër votimi në Lipjan dhe një qendër tjetër në Malishevë. Kjo për faktin që gjatë zgjedhjeve të 12 dhjetorit në këto komuna ka pasur parregullsi.

Valdete Daka, kryetare e KQZ-ve, thotë. "Në shumicën e qendrave të votimit ka pasur keqpërdorime të ndryshme të evidentuara nga paneli zgjedhor për ankesa sipas vendimit të lartë cekur si dhe nga raporti i qendrës së numërimit të rezultateve," tha Valdete Daka.

Përsëritja e votimeve në komunat Skenderaj, Drenas dhe Decan, do të bëhet me nëntë janar të vitit të ardhshëm. Vendimi për përsëritjen e votimeve në këto komuna erdhi poashtu pasi rezultatet preliminare të zgjedhjeve të 12 dhjetorit i kontestuan pothuaj të gjitha partitë politike që garuan në zgjedhje, përveç PDK-së e cila në bazë të rezultateve preliminare fitoi 33 përqind të votave. Kjo parti tha se respekton çdo vendim që merret nga organet e KQZ-ve.

Autor: Bekim Shehu

Redaktoi: Aida Cama