1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Korrupsioni në Kosovë në rritje

Kosova radhitet ndër vendet me shkallë shumë të lartë korrupsioni. Në ditën ndërkombëtare kundër korrupsionit, ekpertët thonë se kjo dukuri negative po ndikon për keq edhe tek investitorët e huaj.

Duke këmbyer euron me dollarë në Prishtinë

Duke këmbyer euron me dollarë në Prishtinë

Dukuria e korrupsionit është e shtrirë në të gjitha nivelet në Kosovë. Për pasojë Kosova radhitet ndër vendet me shkallën më të lartë të korrupsionit në rajon. Kjo dukuri negative, apo siç shpesh e quajnë "kanceri i shoqërisë", sipas ekpertëve po ndikon në moszhvillimin e vendit. Kryeministri i Kosovës Hashim Thaçi, i vetdijshëm për shkallën e lartë të korrupsionit në Kosovë, thotë se qeveria e tij do ta luftojë këtë dukuri me të gjitha mjetet që ka në dispozicion. "Qëllimi madhor dhe strategjik i Qeverisë së Kosovës është që ta përgatisë vendin për të ardhmen e saj euro-atlantike, si anëtare e plotë e Bashkimit Evropian dhe NATO-s. Ky qëllim nuk mund të arrihet nëse lejohet që lëshojë rrenjë korrupsioni dhe krimi i organizuar. Është e qartë se me këtë fenon të pranishëm në shoqëri Kosova nuk do të mirëpritej në Evropë," thotë kryeministri Thaçi.

Ekspertët e ekonomisë nga ana e tyre, thonë se në Kosovën e pasluftës, shkalla e korrupsionit vetëm ka shënuar rritje dhe pasojat janë në shumë rrafshe. Muhamet Mustafa nga Instituti Riinvest, thotë se korrupsioni ka ndikimet e tij negative në çrregullimin e konkurrencës, në çrregullimin e mjedisit të biznesit dhe të klimës së investimeve. Sipas tij, në opinionin e përgjithshëm ekziston perceptimi se korrupsioni ka shënuar vetëm rritje në vitet e fundit. Analisitët e çështjeve ekonomike, thonë se e keqja më e madhe është se korruspioni është i shtrirë edhe në institucionet që kanë ndikim në ekonominë e Kosovës. Vetë kryeministri Thaçi, pati deklaruar më parë se Post-Telekomi i Kosovës, Korporata Elektroenergjetike e Kosovës dhe Aeroporti i Prishtinës, janë ndër institucionet më të korruptuara dhe ato i cilësoi si simbol të së keqës. Qeveria e tij pati ndërmarë një aksion duke ndërrruar udhëheqjen e këtyre ndërmarrjeve por, nga statistikat e shumë organizatave joqeveritare prapë se prapë, thuhet se këto ndërmarrje mbesin ndër më të korruptuarat. Sipas analistëve nga dukuria e korruspsionit e pranishme në të gjitha nivelet, Kosova është duke krijuar një imazh të keq dhe që automatikisht po ndikon tek investitorët e huaj. Në Kosovë që nga përfundimi i luftës nuk ka ndodhur ndonjë investim i madh i ardhur nga jashtë vendit.

  • Data 05.12.2008
  • Autor Bekim Shehu / Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GAAW
  • Data 05.12.2008
  • Autor Bekim Shehu / Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GAAW